Ամստերդամի ծաղկի շուկա

Ամստերդամի ծաղկի շուկա (հոլ.՝ Bloemenmarkt), աշխարհի միակ լողացող շուկան^[1] և Ամստերդամի գլխավոր տեսարժան վայրերից^[2]։

Ծաղիկներն այս վայրում վաճառվում են XVII դարից, երբ առևտրականները, նավերով քաղաքային փողոցի երկայնքով լողալով, վաճառում էին ծաղիկներ։ Շուկան մինչև 1862 թվականը գտնվում էր Սինտ Լյուսիենվալում (հոլ.՝ Sint-Luciënwal)` քաղաքային նախկին փոսի մասում։ Այն բանից հետո, երբ ի հայտ եկան ծրագրեր փոսը վերացնելու մասին (այն լցվել է 1889 թվականին), շուկան տեղափոխվեց այժմյան վայրը։ 1862 թվականից շուկան գտնվում է Ամստերդամի Սինգել ջրանցքում՝ ոչ հեռու Դամ հրապարակից^[3]։

Խանութները գտնվում են բարժաների վրա՝ ափի երկայնքով^[4]։ Մինչև 1960-ական թվականները շուկայում համարյա չի վաճառվել քաղված ծաղիկներ։ Այժմ շուկան հիմնականում գործում է որպես զբոսաշրջային տեսարժան վայր։ Այնտեղ կարելի է տեսնել տեղական և էկզոտիկ ծաղիկներ և բույսեր կամ գնել հուշանվեր։ Լավագույն ձևով ներկայացվում են վարդակակաչները։ Սոխուկները վաճառվում են փաթեթավորված և կշռելով, վաճառվում են միջինը 3-5 եվրոյով (մեկ տասնյակի համար)^[4]։