Ամեն ինչ վերցնում ենք մեզ վրա

«Ամեն ինչ վերցնում ենք մեզ վրա» (ռուս.՝ «Берём всё на себя»), խորհրդային գեղարվեստական ֆիլմ Հայրենական մեծ պատերազմի մասին, որը նկարահանել է ռեժիսոր Եվգենի Շերստոբիտովը 1980 թվականին Բորիս Վորոբյովի «Ալեբախություն Կատոմարիի մոտ» վիպակի հիման վրա։

Ամեն ինչ վերցնում ենք մեզ վրա
Երկիր	ԽՍՀՄ
Ժանր	ռազմական ֆիլմ
Թվական	1980
Լեզու	ռուսերեն
Ռեժիսոր	Եվգենի Շերստոբիտով
Սցենարի հեղինակ	Եվգենի Շերստոբիտով
Օպերատոր	Միխայիլ Չյոռնի
Կինոընկերություն	Կիևի Ալեքսանդր Դովժենկոյի անվան կինոստուդիա

Սյուժե

Ընթանում են Հայրենական մեծ պատերազմի վերջին ամիսները։ Հատուկ նշանակության նավաստիների խումբն ավագ լեյտենանտ Բալանդինի ղեկավարությամբ ստանում է հատուկ կարևորության գաղտնի հրաման՝ ներթափանցել թշնամու թիկունք և ոչնչացնել գերմաանցիների կողմից ջրասույզ արված հեղուկանավերի և հիդրոինքնաթիռների վրա գտնվող հրանոթային սարքավորումները, որպեսզի ապահովի խորհրդային դեսանտային զորքերի ազատ վայրէջքը։ Ինը կոմունիստ-կամավորականներից կազմված ջոկատին մեկ է օր տրված հրամանի կատարման համար, հետախուզական տվյալները բացակայում են, դիվերսիոն խումբը պետք է հույսը դնի միայն իր ուժերի վրա, ամեն ինչ վերցնի իր վրա։

Դերերում

• Վլադիմիր Նիկիտին – Բալանդին, ավագ լեյտենանտ, խմբի ղեկավար
• Գեորգի Դվորնիկով – Ֆեոդոր Կալինուշկին, առաջին կարգի ավագ
• Ալեքսանդր Կիրիլին – Վլաս Շերգին, գլխավոր ավագ
• Ալեքսանդր Չեռնյավսկի – Իվան Ռինդա, առաջին կարգի ավագ
• Ալեքսեյ Օորժակ – Մունկո Լապցույ, ավագ նավաստի
• Վալերի Պանարին – Եգոր Մուխին, երկրորդ կարգի ավագ
• Վիկտոր Ստեպանենկո – Օդինցով, սերժանտ, ռադիստ
• Իգոր Չեռնիցկի – Վլադիմիր Կոլոսով, ավագ նավաստի
• Ալեքսանդր Պարխոմենկո – Սեմյոն Լադոգա, երկրորդ կարգի ավագ
• Պավել Մորոզենկո – ծովակալ
• Ստանիսլավ Կորենև – առաջին կարգի կապիտան
• Նինա Իլյինա – Ֆեոդորի դուստրը

Նկարահանող խումբ

• Սցենարի հեղինակ՝ Եվգենի Շերստոբիտով
• Ռեժիսոր՝ Եվգենի Շերստոբիտով
• Օպերատոր՝ Միխայիլ Չյոռնի
• Նկարիչ՝ Պյոտր Սլաբինսկի
• Կոմպոզիտոր՝ Միխայիլ Բոյկո

Թողարկում DVD

• 2010 թվականին ֆիլմը թողարկվել է «Ցենտրալ Փարթներշիպ» կոլեկցիոն հրատարակության կազմում «Երկնագույն էկրանի մոտ» շարքում՝ «Մեծ պատերազմի հերոսները։ Դիվերսանտներ և հատուկ նշանակության ջոկատայիններ»։ Ժողովածուում տեղ են գտել նաև «Ապրել մինչև լուսաբաց», «Ես Խորթիցան եմ» և «Ամրոց» ֆիլմերը։

Արտաքին հղումներ

• «Ամեն ինչ վերցնում ենք մեզ վրա»(անգլ.) ֆիլմը Internet Movie Database կայքում