Աղավնաձոր (Կոտայքի մարզ)
Անվան այլ կիրառումների համար տե՛ս՝ Աղավնաձոր (այլ կիրառումներ)
Աղավնաձոր, գյուղ Հայաստանի Կոտայքի մարզում, մարզկենտրոնից 11 կմ հյուսիս-արևմուտք։ Գտնվում է Մարմարիկ գետի ստորին հոսանքի ձախափնյա դարավանդի վրա։
| Գյուղ | |||
|---|---|---|---|
| Աղավնաձոր | |||
| Երկիր |  Հայաստան | ||
| Մարզ | Կոտայքի մարզ | ||
| ԲԾՄ | 1640 մետր | ||
| Պաշտոնական լեզու | հայերեն | ||
| Բնակչություն | ▼1232 մարդ (2011)[1] | ||
| Կրոնական կազմ | Հայ Առաքելական եկեղեցի | ||
| Ժամային գոտի | UTC+4 | ||
| |||
Գյուղում զարգացած է զբոսաշրջությունը, քանի որ այն ունի գեղատեսիլ վայրեր և գործող բազմաթիվ հանգստյան տներ։
Պատմություն խմբագրել
1829 թվականին Աղավնաձորը վերաբնակեցվել է Ալաշկերտի Ղազի գյուղից եկած 28 մարդկանցով, որոնք գաղթել էին ռուս-թուրքական պատերազմից հետո։
Երկրորդ համաշխարհային պատերազմին համայնքից մասնակցել են 300 հոգի, որից 76-ը հետ չեն վերադարձել։ Արցախյան պատերազմի առաջին իսկ օրվանից գյուղի երիտասարդներից կազմավորվել է «Ալաշկերտ» ջոկատը, որի հրամանատարն էր Զարզանդ Դանիելյանը, ով 1991 թվականին Գետաշենի պաշտպանության մարտերում հերոսաբար զոհվեց։
Բնակչություն խմբագրել
Նախնիները 1829 թ.-ին գաղթել են Ալաշկերտից։
Աղավնաձորի ազգաբնակչության փոփոխությունը.[2]
| Տարի | Բնակիչ |
|---|---|
| 1897 | 709 |
| 1926 | 868 |
| 1939 | 1182 |
| 1959 | 736 |
| 1979 | 1041 |
| 1989 | 971 |
| 2001 | 1366 |
| 2011 | 1232[3] |
Տնտեսություն խմբագրել
Բնակչությունը զբաղվում է անասնաբուծությամբ, թռչնաբուծությամբ, հացահատիկի և կարտոֆիլի մշակությամբ։
Պատմամշակութային կառույցներ խմբագրել
Աղավնաձորն ունի Սուրբ Հովհաննես եկեղեցի (XVII դար)։
Տես նաև խմբագրել
Ծանոթագրություններ խմբագրել
- ↑ Հայաստանի 2011 թ. մարդահամարի արդյունքները (հայ.)
- ↑ «Հայաստանի հանրապետության բնակավայրերի բառարան, էջ 13» (PDF). Արխիվացված է օրիգինալից (PDF) 2014 թ․ սեպտեմբերի 12-ին. Վերցված է 2014 Ապրիլի 10-ին.
- ↑ 2011 թ Հայաստանի մարդահամարի արդյունքները
Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից (հ․ 1, էջ 247)։ 
|