Ահարոն Սահակյան
- Վիքիպեդիայում կան հոդվածներ Սահակյան ազգանունով այլ մարդկանց մասին։
Ահարոն Մամիկոնի Սահակյան, հայ պետական և քաղաքական գործիչ։ 2021 թվականի մայիսի 27-ից կառավարության որոշմամբ զբաղեցնում է Հայաստանի Կոտայքի մարզպետի պաշտոնը[1][2]։
Ահարոն Սահակյան | ||
| ||
---|---|---|
2021 թվականի մայիսի 27-ից | ||
Ամուսին | Ռոզա Ասատրյան |
Կենսագրություն խմբագրել
Ահարոն Սահակյանը ծնվել է 1980 թվականի մարտի 30-ին Գառնի համայնքում։ 1996-2000 թվականներին սովորել է ՌԴ Դաշնային անվտանգության ակադեմիայի իրավաբանական ֆակուլտետում, 2001-2004 թվականներին՝ Մոսկվայի Նոր իրավաբանական ինստիտուտի իրավաբանական ֆակուլտետում[3]։
Գործունեություն խմբագրել
2001-2008 թվականներին եղել է «Ազգային անվտանգության ծառայության» օպեր-լիազոր։ 2008-2012 թվականներին զբաղեցրել է «Ալֆա-Ֆարմ» ՍՊ ընկերության փոխտնօրենի պաշտոնը։ 2013-2016 թվականներին աշխատել է «Կալինա-Դվին» ՍՊԸ-ում՝ որպես տնօրեն։ 2016 թվականի նոյեմբերի 7-ին ստանձնել է Գառնի համայնքի ղեկավարի պաշտոնը։ 2021 թվականի մայիսի 27-ից կառավարության որոշմամբ զբաղեցնում է Հայաստանի Կոտայքի մարզպետի պաշտոնը։
Անձնական կյանք խմբագրել
1989-1996 թվականներին զբաղվել է ազատ ոճի ըմբշամարտով։ 1995 թվականին դարձել է ազատ ոճի ըմբշամարտի Հայաստանի պատանիների առաջնության հաղթող։ Միջազգային մի շարք մրցաշարերի մեդալակիր է։ Սիրում է նաև ֆուտբոլ՝ ժամանակ առ ժամանակ մասնակցելով սիրողական խաղերի։
Ամուսնացած է, ունի երկու երեխա։ Կինը Ռոզա Արայիկի Ասատրյանն է[4]։