Ակսել Բակունց (երաժիշտ)
Անվան այլ կիրառումների համար տե՛ս՝ Ակսել Բակունց (այլ կիրառումներ)
Ակսել Վահանի Բակունց (մականունը՝ Կոկա, նոյեմբերի 22, 1946, Երևան, Հայկական ԽՍՀ, ԽՍՀՄ - հունվարի 13, 2012, Երևան, Հայաստան[1]), կոնտրաբասահար, երաժիշտ, ջազմեն։ Հայաստանի Հանրապետության արվեստի վաստակավոր գործիչ (2006)։
| Ակսել Բակունց | |
|---|---|
| Ծնվել է | նոյեմբերի 22, 1946 Երևան, Հայկական ԽՍՀ, ԽՍՀՄ |
| Երկիր |  Հայաստան |
| Մահացել է | հունվարի 13, 2012 (65 տարեկան) Երևան, Հայաստան |
| Մասնագիտություն | ջազ երաժիշտ |
| Կրթություն | Երևանի Կոմիտասի անվան պետական կոնսերվատորիա |
| Պարգևներ | |
Աննա Բակունցի հայրը։
Կենսագրություն խմբագրել
Ակսել Բակունցը ծնվել է 1946 թվականին Երևանում։ Սովորել է Երևանի Կոմիտասի անվան պետական կոնսերվատորիայի կոնտրաբասի դասարանում։ Ղեկավարել է «Կռունկ» (1966-1969, նաև հիմնադիրներից), «Սերպանտին» 1969 թվականից, 1971-1981 թվականներին՝ գեղարվեստական ղեկավար), «Արմինա» էստրադային երաժշտական համույթները, միաժամանակ՝ «Լևոն Մալխասյան, Ա. Թութունջյան, Ա. Զաքարյան, Ա. Բակունց» քառյակում։ Եղել է «Հայհամերգի» միավորման գեղարվեստական ղեկավարը, Հայաստանում վոկալ-գործիքային խմբերի հիմնադիրներից։ Մեծ ավանդ է ունեցել էստրադային արվեստի ոլորտի կադրերի պատրաստման գործում։ Հիմնել և ղեկավարել է «Հայհամերգ»-ին կից էստրադային ստուդիան, որը հետագայում վերանվանվել է Երևանի էստրադային և ջազային արվեստի պետական քոլեջի[2]։ Մահացել է 2012 թվականի հունվարի 13-ին Երևանում։
Պարգևներ, մրցանակներ խմբագրել
- Այսրկովկասյան երաժիշտ-կատարողների 3-րդ մրցույթի դափնեկիր (1969, Երևան),
- ՀՀ արվեստի վաստակավոր գործիչ (2006),
- ՀՀ մշակույթի նախարարության ոսկե մեդալ (2010)։
Ծանոթագրություններ խմբագրել
- ↑ Մահացել է Ակսել Բակունցը
- ↑ «Ակսել Բակունցի կենսագրությունը avproduction.am կայքում». Արխիվացված է օրիգինալից 2016 թ․ մարտի 5-ին. Վերցված է 2018 թ․ փետրվարի 20-ին.
Այս հոդվածի կամ նրա բաժնի որոշակի հատված վերցված է «Հայ երաժշտության հանրագիտարանից», որի նյութերը թողարկված են՝ Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) թույլատրագրի ներքո։ 
|