Ալեքսանդր Պոզինիչի հուշարձան (Նովոչերկասկ)
Ալեքսանդր Պոզինիչի հուշարձան (ռուս.՝ Памятник Александру Позыничу), կոթող Ռուսաստանի Դաշնության Ռոստովի մարզի Նովոչերկասկ քաղաքում, որը նվիրված է ծովային հետևակային, Քաջության շքանշանի ասպետ[1], ծնունդով նովոչերկասկցի Ալեքսանդր Միխայլովիչ Պոզինիչին, որը զոհվել է 2015 թվականի նոյեմբերի 24-ին Սիրիայի Արաբական Հանրապետությունում զինվորական պարտքը կատարելիս։
 | |
|---|---|
 Ալեքսանդր Պոզինիչի հուշարձանը | |
 | |
 | |
| Տեսակ | հուշարձան |
| Ստեղծում | 2017 |
| Բարձրություն | 2 մետր |
| Երկիր |  Ռուսաստան |
| Բնակավայր | Նովոչերկասկ |
| Շինության ձև | Քանդակ |
| Նյութ | բրոնզ |
| Ներկա վիճակ | Կանգուն |
Նկարագրություն խմբագրել
Ալեքսանդր Պոզինիչի հուշարձանը գտնվում է Նովոչերկասկ քաղաքի կենտրոնում, Ալեքսանդրովյան զբոսայգու կենտրոնական ծառուղում[2]։
Հուշարձանը պատկերում է զենքը ձեռքին զինվորի։ Քանդակը պատրաստված է բրոնզից, տեղադրվել է զրահամեքենայի զրահի հատվածի տեսքով պատվանդանի վրա։ Պատվանդանին արված է հետևյալ մակագրությունը.
|
Ալեքսանդր Պոզինիչ։ Ռուսաստանի զինվորներին։ | 
|
Բրոնզե ծովային հետևակայինի բարձրությունը երկու մետր է։
Հուշարձանը տեղադրելու նախաձեռնողը և նրա հիմնական հովանավորը դարձել է «Սոցիալական նախաձեռնությունների կենտրոն» տարածաշրջանային հասարակական կազմակերպությունը։ Որպես հովանավոր հանդես են եկել նաև Նովոչերկասկի ոչ անտարբեր բնակիչները։ Հուշարձանի ընդհանուր արժեքը 600 հազար ռուբլի է[3]։
Պատմություն խմբագրել
Հուշարձանի բացումը տեղի է ունեցել 2017 թվականի մայիսի 26-ին։ Բացման արարողությանը մասնակցել են Ալեքսանդր Պոզինիչի ընտանիքը, Նովոչերկասկի քաղաքապետ Վլադիմիր Կիրգինցևը, 8-րդ գվարդիական բանակի, վետերանների և հասարակական կազմակերպությունների ներկայացուցիչներ։ Արարողությանը ներկա է եղել նաև օդաչու Օլեգ Պեշկովի այրին, որին փրկելիս զոհվել է Պոզինիչը[4]։
Ալեքսանդր Պոզինիչը զոհվել է 2015 թվականի նոյեմբերի 24-ին, Սիրիայում որոնողափրկարարական գործողության ընթացքում։ Ալեքսանդրովյան զբոսայգու հուշարձանը դարձել է հերոս նովոչերկասկցու հիշատակը հավերժացնելու ևս մեկ քայլ։ Ալեքսանդր Պոզինիչի անունով է կոչվում թիվ 11 միջնակարգ դպրոցը[5], որտեղ սովորել է նա։ Թիվ 11 դպրոցի և թիվ 2 մասնագիտական ուսումնարանի պատերին փակցվել են հուշատախտակներ, փառքի ծառուղում տեղադրվել է նրա կիսանդրին, քաղաքում տեղի է ունեցել «Ալեքսանդր Պոզինիչի անվան հայրենասիրական փառատոն»։ Օլեգ Պեշկովի և Ալեքսանդր Պոզինիչի հուշակոթող է տեղադրված նաև Ամուրի մարզի Վոզժաևկա գյուղի ավիացիոն կայազորում։
Ծանոթագրություններ խմբագրել
- ↑ В Новочеркасске открыт памятник морскому пехотинцу Александру Позыничу, погибшему в Сирии / 26 мая 2017, 18:21 «Первый канал»
- ↑ В центральном парке Новочеркасска появилась скульптура Александра Позынича / 26 мая 2017 «Комсомольская правда»
- ↑ В Новочеркасске открыли памятник погибшему в Сирии морпеху Александру Позыничу(չաշխատող հղում) / «ЁРШ Таганрог»
- ↑ Погибшему в Сирии морпеху Александру Позыничу открыли монумент в Новочеркасске(չաշխատող հղում) / «Белрынок»
- ↑ Принято решение школу № 11 Новочеркасска, в которой учился Александр Позынич, назвать его именем… / «РИА Новости»
Արտաքին հղումներ խմբագրել
- Торжественная церемония открытия памятника морскому пехотинцу Александру Позыничу, погибшему в Сирийской Арабской Республике при исполнении воинского долга (г. Արխիվացված 2020-09-26 Wayback Machine Новочеркасск) Արխիվացված 2020-09-26 Wayback Machine / Сайт Министерства обороны Российской Федерации