Աթանաս Տիրոյան
Աթանաս Տիրոյան (1857 - 1926[1]), հայ լեզվաբան։ 1869 թ. մեկնել է Ս․ Ղազար։ Վենետիկի Մխիթարյան միաբանության անդամ, քահանա։
| Աթանաս Տիրոյան | |
|---|---|
| Ծնվել է | 1857 |
| Մահացել է | 1926[1] |
| Մասնագիտություն | լեզվաբան |
Կենսագրություն
խմբագրելՇուրջ կես դար վարել է կրթական, քարոզչական և տնտեսական պաշտոններ Վենետիկում, Պարսկաստանում, Թուրքիայում և Հունգարիայում։ Եղել է Վենետիկի միաբանության տպարանապետ, «Բազմավեպի» խմբագիր։
Աշխատություններ
խմբագրելԳրել է թատերգություններ, գիտական ուսումնասիրություններ, կազմել ժողովածուներ, կատարել թարգմանություններ։ Հատկապես արժեքավոր է Տիրոյանի «Հանրագրություն որ է համազգային գրության նոր ոճ մը» աշխատությունը, որտեղ հեղինակն առաջարկում է հանրագրության նոր եղանակ, որով տարբեր ազգի մարդիկ, առանց հասկանալու միմյանց լեզուն, կարող են հաղորդակցվել։ Տիրոյանի մեթոդը հիմնված է թվագրության վրա։ Դերանուններին հատկացրել է 1–9 թվերը, 0-ն հոգնակիության նշանն է։ Տիրոյանը օգտագործել է նաև զանազան նշաններ, որոնք մեծ դեր են կատարում հոլովման և խոնարհման հարացույցներում։
Ծանոթագրություններ
խմբագրելԱյս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից (հ․ 12, էջ 19)։ 
|
|
Սա անձի մասին անավարտ հոդված է։ Դուք կարող եք օգնել Վիքիպեդիային՝ ուղղելով և լրացնելով այն։ |