Աթանաս Կոստանդնուպոլսեցի
Աթանաս Կոստանդնուպոլսեցի (1707[1], Ստամբուլ, Օսմանյան կայսրություն - 1783[1]), հայ մատենագիր։
| Աթանաս Կոստանդնուպոլսեցի | |
|---|---|
| Ծնվել է | 1707[1] |
| Ծննդավայր | Ստամբուլ, Օսմանյան կայսրություն |
| Մահացել է | 1783[1] |
| Մասնագիտություն | մատենագիր |
Ծնվել է Կ. Պոլսում։ Մխիթար Սեբաստացու այնտեղ գտնվելու տարիներին աշակերտել է նրան։ Սկզբում եղել է Հովհաննես Կոլոտ պատրիարքի քարտուղարը։ Հետագայում Հռոմի կողմից նրան տրվել է լիազորություններ Կ. Պոլսի հայերի մեջ քարոզչական աշխատանք կատարելու համար։ Ապրել է Վենետիկում և Հռոմում, սովորել իտալերեն և լատիներեն։ Թողել է գիտական, կրոնական երկեր, տաղեր, նամակներ, որոնցից են՝ «Համառօտ քերականութիւն արարեալ իտալական, հայկական և տաճկական լեզուաւ» (Վենետիկ, 1774), «Ծառ կենաց» (1750, 1781) և այլն։ Մեզ հասել են նրանից մի քանի կրոնական տաղեր, հորդորակներ, որոնք պահպանվել են Վիեննայի Մխիթարյանների մատենադարանում։ Նամակներից լույս է ընծայել Ղ. Տայանը «Մայր դիւան Մխիթարեանց Վենետկոյ ի ս. Ղազար 1707-1773» ժողովածուում[2]։