Ávvir
Ávvir («Խնամք»[2][3], «Ուշադրություն»[3]), հյուսիսսաամերեն լեզվով թերթ։ Թողարկվում է Հյուսիսային Նորվեգիայում, ֆյուլկա Ֆինմարքում, շաբաթական հինգ օր (երեքշաբթիից շաբաթ)։ Ávvir-ը աշխարհում միակ օրաթերթն է հյուսիսսաամերեն լեզվով։
Ávvir հսսամ.՝ Ávvir | |
---|---|
Այլի Կեսկիտալոն՝ Նորվեգիայի Սաամյան խորհրդարանի նախագահը (2005—2007), կարդում է Ávvir թերթը (2009 թվականի լուսանկար | |
Տեսակ | օրաթերթ |
Լեզու | Հյուսիսսաամերեն |
Հիմնադրվել է | փետրվարի 6, 2008[1] |
Երկիր | Նորվեգիա |
Գրասենյակ | Կարասիոկ, Ֆինմարք, Նորվեգիա և Կյոտուկեյն, Ֆինմարք, Նորվեգիա |
ISSN | 1890-6575 |
Կայք | avvir.no(շվեդ.) |
Ávvir Վիքիպահեստում |
Թերթի գրասենյակները գտնվում են նորվեգական ֆյուլկա Ֆինմարքի Կարասյոկում և Քյոուտուկեյնուում։ Խմբարակազմը բաղկացած է 12 թղթակիցներից, որոնք աշխատում են Տանա, Կարասյոկ, Քյոուտուկեյնու, ինչպես նաև Տրոմսյո կոմունաներում[4]։
Ստեղծման պատմություն խմբագրել
Ávvir թերթը ձևավորվել է Min Áigi (թողարկվող Կարասյոկում) և Áššu (թողարկվող Քյոուտուկեյնուում)[5] թերթերի միաձուլումից, որը տեղի էր ունեցել 2008 թվականին։ Թերթի առաջին համարը թողարկվել է 2008 թվականի փետրվարի 6-ին՝ Սաամների միջազգային օրը։ Հրատարակչությունների միավորման հիմնական նպատակը այնպիսի թերթի թողարկվումն էր, որը ամեն օր կտպագրվեր։ Áššu թերթը շաբաթական երկու օր էր թողարկվում (երեքշաբթի և ուրբաթ), մինչդեռ նոր թերթը սկսեց հրատարակվել շաբաթական հինգ օր՝ երեքշաբթի օրվանից մինչև շաբաթ օր[5]։
Հյուսիսսաամերեն ávvir բառը կարելի է թարգմանել որպես «ուշադրություն», «խնամք»[3]։ Այդ անվանումը առաջարկվել էր քաղաքական գործիչ Լայլա Սուսաննա Վարսի կողմից։
Նույն 2008 թվականին պետությունը թերթին ֆինանսական աջակցություն ցուցաբերեց. ըստ այդմ՝ Ávvir և Նորվեգիայի մեկ այլ հայտնի Ságat թերթը երկրում ամենամեծ ֆինանսական աջակցությունը ստացան՝ հաշված մեկ հետևողի չափով։
Տպագրություն խմբագրել
Ávvir թերթը տպագրվում է թերթի տպագրատանը՝ Համերֆեստ քաղաքում գտնվող Finnmark Dagblad-ում։
Թերթի հավաստագրված մաքուր տպագրությունը, ըստ Թերթի հրատարակողների ասոցիացիիայի, 2008 և 2009 թվականներին կազմել է 1204 օրինակ, իսկ 2010 թվականին՝ 1271 օրինակ[6] (Նորվեգիայի լեզվակիրների ընդհանուր թվի հաշվարկով՝ 15 հազար մարդ[7]):
Սեփականատերեր խմբագրել
Ávvir թերթի մեկ երրորդը պատկանում է Nordavis AS խմբին (որը, իր հերթին, պատկանում է Altaposten թերթին), մեկ երրորդը՝ Finnmark Dagblad խմբին, ևս երրորդ մասը՝ այլ բաժնետերերի, այդ թվում՝ Norske Reindriftsamers Landsforbund և 'Indre Finnmark investeringsselskap ընկերություններին։
Ծանոթագրություններ խմբագրել
- ↑ https://www.regjeringen.no/globalassets/upload/fad/vedlegg/sami/handlingsplan_samiskesprak_status2010_ns.pdf
- ↑ Barents Press International — News (September 2009)(չաշխատող հղում) // Сайт МГГУ. — 1 октября 2009.(Ստուգված է 27 փետրվարի 2012)
- ↑ 3,0 3,1 3,2 «Ávvir». Álgu database. Research Institute for the Languages of Finland. Արխիվացված օրիգինալից 2012 թ․ սեպտեմբերի 3-ին. Վերցված է 2011 թ․ նոյեմբերի 8-ին.
- ↑ Larsen, 2009
- ↑ 5,0 5,1 Herdis Lydia Risan. Samisk dagsavis ser dagens lys («Рождается ежедневная газета на северносаамском языке») Արխիվացված 2011-07-19 Wayback Machine // Aftenbladet.no. — 6 февраля 2008.(նորվ.)(Ստուգված է 27 փետրվարի 2012)
- ↑ Aviskatalogen, tall fra nettsidene til Mediebedriftenes Landsforening Արխիվացված 2012-02-25 Wayback Machine(նորվ.)(Ստուգված է 28 Նոյեմբերի 2011)
- ↑ Saami, North // Lewis, M. Paul (ed.), 2009. Ethnologue: Languages of the World, Sixteenth edition. Dallas, Tex.: SIL International. Онлайн-версия
Արտաքին հղումներ խմբագրել
- Պաշտոնական կայք(Ստուգված է 5 Հունիսի 2012)
- Samisk dagsavis ser dagens lys Արխիվացված 2011-07-19 Wayback Machine. — 6 փետրվարի 2008.(նորվ.)(Ստուգված է 5 Հունիսի 2012)
- Hanne Larsen. Kontrollfrik skal styre Ávvir Արխիվացված 2020-10-29 Wayback Machine // Altaposten — 07 նոյեմբերի 2009(նորվ.)(Ստուգված է 5 Հունիսի 2012)
- Ávvir // Norsk nettleksikon.(նորվ.)(Ստուգված է 5 Հունիսի 2012)
Վիքիպահեստն ունի նյութեր, որոնք վերաբերում են «Ávvir» հոդվածին։ |