«You Don't Know What to Do», ամերիկացի երգչուհի Մրայա Քերիի երգը, որում իր մասնակցությունն ունի նաև ամերիկացի ռեփեր Wale-ը։ Այն թողարկվել է 2014 թվականի հունիսի 30-ին՝ որպես Քերիի «Me. I Am Mariah... The Elusive Chanteuse» անվանումը կրող տասնչորսերորդ ստուդիական ալբոմի չորրորդ սինգլ։
«You Don't Know What to Do»-ուն գրվել է Մրայա Քերիի, Ջերմեյն Դյուպրիի, Բրայան Մայքլ Քոքսի և Wale-ի կողմից։ Երգի գաղափարը վերցված է Inner Life-ի «I'm Caught Up in a One Night Affair» երգից, որի արդյունքում այդ երգի հեղինակներ՝ Պատրիկ Ադամսի և Թերի Գոնսալեսի անունները նույնպես նշվել են այս երգի հեղինակների ցանկում[1]։ 2012 թվականի օգոստոսին Բրայան Մայքլ Քոքսը հայտարարեց, որ ինքը, Քերին ու Դյուպրին սկսել են աշխատել Քերիի նոր ալբոմի վրա։ 2013 թվականի օգոստոսին ռեփեր Wale-ը հայտարարեց, որ համագործակցել է Քերիի հետ, իր Թվիթթերի էջում գրելով՝ «Մրայա x Wale x Ջերմեյն Դյուպրի = Շուտով»[2]։ Wale-ը և Քերին կենդանի կատարմամբ երգը ներկայացրեցին 2014 թվականի մայիսի 16-ին NBC հեռուստաալիքի «Այսօր» (անգլ.՝ Today) հաղորդման ընթացքում[3]։ Մի քանի օր հետո՝ մայիսի 19-ին Քերին ներկայացրեց երգի ստուդիայում ձայնագրած տարբերակը «Ռաս Փերի առավոտյան շոու» անգլ.՝ The Russ Parr Morning Show ռադիոծրագրի ժամանակ[4][5]։ Հունիսին ներկայացվեց Քերիի երգի սոլո տարբերակը, որում Wale-ի ռեփ հատվածները բացակայում են[6]։ Հունիսի 30-ին երգը թողարկվեց որպես Քերիի «Me. I Am Mariah... The Elusive Chanteuse» ալբոմի չորրորդ սինգլ[7]։