PEST անալիզ

PEST - անալիզ (երբեմն նաև STEP), մարքեթինգային գործիք, որը նախատեսված է կազմակերպության գործունեության վրա ազդող արտաքին միջավայրի քաղաքական (Political), տնտեսական (Economic), սոցիալական (Social) և տեխնոլոգիական (Technological) գործոնների դուրսբերման համար։ Դա արտաքին վերլուծության մի մասն է, որն օգտագործվում է ռազմավարության ընտրության կամ շուկայի ուսումնասիրության ընթացքում։ Այս վերլուծությունը կազմակերպության ղեկավարին թույլ է տալիս տեսնել արտաքին միջավայրի ընդհանրացված պատկերը, առանձնացնել կազմակերպության վրա առավել ազդեցություն ունեցող գործոնները։

• Քաղաքական գործոնը արտացոլում է, թե ինչպես է պետությունը միջամտում տնտեսությանը։
• Տնտեսական գործոնը արտացոլում է, թե ինչպես է տնտեսության վիճակը ազդում բիզնեսի կառավարման և որոշումների կայացման վրա։
• Սոցիալական գործոնը արտացոլում է, թե ինչպես է մարդկանց կենսակերպը ազդում կազմակերպության ապրանքների պահանջարկի վրա։
• Տեխնոլոգիական գործոնը արտացոլում է, թե ինչպես են տեխնոլոգիական զարգացումները ազդում կազմակերպության գործունեության վրա։

PEST - անալիզի տեսակներ

PESTEL-անալիզը տարբերվում է PEST - անալիզից 2 նոր՝ իրավական (Legal) և շրջակա միջավայրի (Environmental) գործոններով։ Երբեմն կիրառվում են նաև SLEPT-անալիզ կամ STEEPLE-անալիզ։ Կարող են նաև օգտագործվել այնպիսի գործոններ, ինչպիսիք են աշխարհագրական, էթնոսական կամ այլ գործոններ։

Քաղաքական գործոնների օրինակներ

• Քաղաքական ստաբիլություն
• Կառավարության քաղաքականության ազդեցությունը բիզնես հարկային օրենքների վրա
• Կառավարության դիրքորոշումը կրոնի կամ մշակույթի վերաբերյալ
• Պետության անդամագրումը միջազգային կառույցների (ԵՄ, ԵԽ)
• Մրցակցության պետական կառավարում

Տնտեսական գործոնների օրինակներ

• Գնաճ
• Գործազրկության մակարդակ
• Միջին աշխատավարձ
• ՀՆԱ մակարդակ
• Արտաքին ներդումներ
• Տոկոսադրույքներ
• Գնողունակություն

Սոցիալական գործոնների օրինակներ

• Դոմինանտ կրոն
• Կրթական մակարդակը
• Լեզվի ազդեցությունը շուկայում ապրանքի տեղաբաշխման վրա
• Կենսակերպի և կենսամակարդակի փոփոխություններ

Տեխնոլոգիական գործոնների օրինակներ

• Տեխնոլոգիական զարգացում
• Նոր ապրանքատեսակներ
• Նոր պատենտներ