«Condemnation», բրիտանական Depeche Mode խմբի երգը, նրա Songs of Faith and Devotion ութերորդ ստուդիական ալբոմի երրորդ սինգլը, 29-րդը խմբի սկավառակագրության մեջ։ Թողարկվել է 1993 թվականի սեպտեմբերի 13-ին (ԱՄՆ-ում՝ սեպտեմբերի 14-ին)։ Զբաղեցրել է իններորդ հորիզոնականը բրիտանական ազգային հիթ-շքերթում։
«Condemnation»-ը գոսպել-երգ է ռոքային ձևավորմամբ։ «Paris Mix»-ը կանացի լրացուցիչ բեք վոկալով և մի փոքր այլ հարվածային սխեմաներով տարբերակ է։ Դեյվ Գաանի սիրելի երգերից մեկն է կոլեկտիվի ողջ ստեղծագործության մեջ։ Դեյվը ցանկացել է, որ երգը դառնա «Songs of Faith and Devotion»-ի առաջին սինգլը, բայց այլ որոշում է կայացվել։
«Condemnation» երգի տեսահոլովակը նկարահանել է ռեժիսոր Անտոն Քորբեյնը։ Անհայտ պատճառներով, տեսահոլովակը 1998 թվականին չի հայտնվել The Videos 86>98 հավաքածուում, որտեղ փոխարինվել է Devotional-ի հետ «կենդանի» տարբերակով։ Օրիգինալ տեսահոլովակը հայտնվել է միայն 2002 թվականին The Videos 86>98 վերահրատարակման մեջ, որը ստացել է Videos 86>98 + անվանումը։ Երկու տեսահոլովակերը հայտնվել են 2004 թվականի Devotional DVD-ի վերահրատարակման մեջ։ «Condemnation (Live)»-ի վերահրատարակման մեջ խմբագրվել է այնպես, որ տարբերվի Devotional-ի բնօրինակ թողարկման մեջ առկա տարբերակից։