Ֆելիքս Կիգելիս
Ֆելիքս Կիգելիս (լատիշերեն՝ Fēlikss Ķiģelis, փետրվարի 25, 1976, Լիեպայա, Լատվիական ԽՍՀ, ԽՍՀՄ), լատվիացի ռոք երաժիշտ[1][2], լատվիական Լիեպայա քաղաքի Tumsa («Խավար») և Melnā Princese («Սև արքայադուստր») երաժշտախմբերի հիմնադիր և առաջատար անդամ։ 1999 թվականից աշխատում է առաջ տանել իր երաժշտական կարիերան որպես սոլո երգիչ։ Նրա հայրը՝ Էրիկս Կիգելիսը, անդամակցել է Līvi և Coprus ռոք խմբերին։
| Ֆելիքս Կիգելիս | |
|---|---|
| Ծնվել է | փետրվարի 25, 1976 (48 տարեկան) |
| Ծննդավայր | Լիեպայա, Լատվիական ԽՍՀ, ԽՍՀՄ |
| Քաղաքացիություն |  Լատվիա |
| Մասնագիտություն | երաժիշտ |
Ֆելիքսը երաժշտական իր կարիերան սկսել է 1990-ական թվականների սկզին՝ դառնալով Katapults ռոք խմբի (որը հետագայում վերանվանվեց Tumsa) հիմնադիրներից մեկն ու առաջատար երգիչը (Catapult): 1996 թվականին նա հիմնադրել է Melnā Princese երաժշտախումբը, որի կազմում 1997 թվականին մասնակցել է Liepājas Dzintars երաժշտական փառատոնին և հաղթող ճանաչվել։ Melnā Princese-ը երկու երաժշտական ալբոմ թողարկելուց հետո 1998 թվականին լուծարվել է, և Կիգելիսը հետամուտ է եղել որպես սոլո կատարող իրեն դրսևորելու, այդ ասպարեզում նոր հաջողություններ ձեռք բերելու նպատակին։
Իր ստեղծած երգերի և երաժշտական կատարումների համար նա բազմիցս ներկայացվել է Լատվիական երաժշտական ամենամյա մրցանակի՝ տարբեր անվանակարգերում. 2003 թվականին՝ Lietus sasuj երգի համար՝ "ռադիոհիթ" անվանակարգում, 2004-ին՝ Bezmiegs-ի համար՝ դարձյալ «ռադիոհիթ» անվանակարգում և Samts-ի համար՝ 'Լավագույն ռոք ալբոմ"անվանակարգում[3], 2015 թվականին՝ Ziema-ի համար՝ «ռադիոհիթ» անվանակարգում և Uzzīmētā sirds-ի համար՝ «Լավագույն ռոք ալբոմ» անվանակարգում։
Ֆելիքս Կիգելիսը Լատվիայում և նրա սահմաններից դուրս ճանաչված է որպես ոչ միայն երաժիշտ-կատարող, այլև որպես երգահան. նա երգեր է գրել Իգոյի, Իվո Ֆոմինսի ու այլ երգիչների և, իհարկե, հենց իր համար (նրա ստեղծագործություններում առանձնահատուկ տեղ են զբաղեցնում ավտովթարի հետևանքով զոհված հոր հիշատակին նվիրված երգերը)։
Ծանոթագրություններ խմբագրել
- ↑ Profile at spotnet.lv Արխիվացված Օգոստոս 31, 2011 Wayback Machine
- ↑ A 2007 interview with Fēlikss Ķiģelis(չաշխատող հղում)
- ↑ «Արխիվացված պատճենը». Արխիվացված է օրիգինալից 2019 թ․ մայիսի 1-ին. Վերցված է 2019 թ․ մայիսի 15-ին.