Օշան քաֆուրախոտի
| Օշան քաֆուրախոտի | |
| Դասակարգում | |
| Թագավորություն | Բույսեր (Plantae) |
| Ենթատիպ | Սերմնավոր բույսեր (Spermatophytes) |
| Կարգ | Մեխակածաղկավորներ (Caryophyllales) |
| Ընտանիք | Հավակատարազգիներ (Amaranthaceae) |
| Ենթաընտանիք | Salsoloideae |
| Տրիբա | Salsoleae |
| Ցեղ | Օշան (Salsola) |
| Տեսակ | Օշան քաֆուրախոտի (S. camphorosma) |
| Միջազգային անվանում | |
| Salsola camphorosma | |
Օշան քաֆուրախոտի (լատին․՝ Salsola camphorosma), թելուկազգիների ընտանիքի, օշան ցեղի բույս։
Նկարագրություն
խմբագրելԹուփ է՝ 15-40 սմ բարձրությամբ, ճիպոտանման, ծուռումուռ, գետնին հպված ճյուղերով։ Տերևները մանր են, մախաթանման, 3-8 մմ երկարությամբ, մեծ մասամբ կոշտավուն, բթածայր, շեղված։ Ծաղիկները գտնվում են ծաղկակից տերևների ծոցերում, միայնակ են։ Ծաղկապատը թևիկների հետ միասին ունի 9-11 մմ երկարություն։ Թևիկները անցնում են մեկը մյուսի վրա, դեղին են կամ նարնջագույն, ավելի ուշ մուգ գունավորում են ստանում։ 3 թևերը ավելի խոշոր են, լայն-օվալաձև կամ երիկամաձև։
Տարածվածություն
խմբագրելՏարածված է Հայաստանի հարավային շրջաններում, Նախիջևանում, Օրդուբադում։ Աճում է նախալեռնային գոտու քարքարոտ լանջերում։ Առանձնապես հետաքրքրություն չի ներկայացնում։ Կարելի է օգտագործել կիսաանապատային գոտու բնակավայրերի կանաչապատման նպատակով, երբ հողատարածությունները պիտանի չեն այլ տեսակների մշակության համար[1]։
Ծանոթագրություններ
խմբագրել- ↑ Հարությունյան Լ․ Վ․, Հարությունյան Ս․ Լ․, Հայաստանի դենդրոֆլորան, հ. 1, Երևան, «Լույս հրատարակչություն», 1985, էջ 221։
|
Սա բույսերի մասին անավարտ հոդված է։ Դուք կարող եք օգնել Վիքիպեդիային՝ ուղղելով և լրացնելով այն։ |