Քննարկում:Վանի թագավորություն

Հայկական պետություն

Ուրարտուն Հայկական պետություն է,դա ապացուցված է խորհուրդ կտամ նայել 10-րդ դասարնի Հայոց պատմության դասագրքերը։--Ռ Ա Զ 19։45, 14 Օգոստոսի 2013 (UTC)

Դասագրքերում ցավոք ոչ միշտ է ճշմարտությունը գրվում, չէ, որքան գիտեմ, նման բան ապացուցված չէ, համենայն դեպս ոչ միջազգային պատմագրության մեջ։ --vacio 08:03, 15 Օգոստոսի 2013 (UTC)

Միջազգային պատմության մասին չեմ կարող որևէ բան ասել,բայց ամեն դեպքում արդեն նոր դասագրքերում դա փաստացի նշվում է:--Ռ Ա Զ 09:18, 15 Օգոստոսի 2013 (UTC)

Հիշեցնեմ, որ Հայաստանում (և իմ կարծիքով նաև մեր վիքիում) մենք առաջին հերթին առաջնորդվում ենք հայկական պատմագրությամբ, այլ ոչ թե միջազգային (որտեղ շատ դեպքերում հեշտությամբ երևացող հակահայկական քարոզչություն է տարվում): Ես արդեն գտել եմ մի շարք հայկական և ոչ հայկական հոդվածներ, որտեղ ընդհանուր կերպով ապացուցվում է Արարատյան թագավորության հայկական լինելը: Հիմա ես աշխատում եմ ուղիղ քաղվածքների վերաբերյալ այս թեմայի շուրջ: Եթե ինչ որ մեկն ունի այդպիսիք, ապա թող անպայման ավելացնի հոդվածում: Իսկ նախադասությունը պետք է մնա անփոփոխ, մինչև քննարկման ավարտվելը:--Արամ-վան 10:20, 15 Օգոստոսի 2013 (UTC)

Մի քաղվածք`

- "Большинство исторических и текстовых доказательств поддерживают вывод о том, что Урарту, Арарат, Армения и Гайк разные имена одной и той же страны и народа".Томас Дж. Самуелян. "Armenian origins: An overview of ancient and modern sources and theories", by Thomas J. Samuelian, Yerevan, Iravunq, 2000, p. 14.

--Արամ-վան 10։27, 15 Օգոստոսի 2013 (UTC)

Միանշանակ համաձայն եմ քեզ հետ Հարգելի Aram-van,հակահայկական քարոզչությունները ողջ վիքին «բռնել» են, խորհրդարանում բարձրացրել եմ այդ հարցը հայկական եկեղեցիներից մեկի վերաբերյալ: Իսկ Ուրարտուն հայկական է թո ոչ իմ կարծիքով դա մեր պատմաբանները պիտի եզրահանգման գան, ոչ թե միջազգային պատմաբանները, որոնք նավթի անուն լսել վաճառում են իրենց հոգիները:--Ռ Ա Զ 15:18, 15 Օգոստոսի 2013 (UTC)

Օտար աղբյուրները կարող եք և հաշվի չառնել։ Հայկական պատմագրության մեջ կա երկու մոտեցում։ Մի խումբ պատմաբաններ փորձում են ապացուցել որ Ուրարտուն հայկական պետություն է, իսկ մի խպումբ պատմաբաններ ինչպես օրինակ ԳԱԱ անդամներ Բ.Ն.Առաքելյանը, Գ.Բ.Ջահուկյանը և Գ.Խ.Սարգսյանը քննադատում են առաջիններին, նշելով որ դա պատմական կեղծարարություն է և դրանաով զբաղվողները մասնագետներ չեն։ Աշոտ Մելքոնյանը նշել է, որ նման "հայրենասեր" պատմաբանները նույնիսկ չեն հասկանում թե ինչ վտանգ են ներկայացնում իրենց կարծիքով օգտագկար համարվող պնդումները։ Ամեն դեպքում երկու մոտեցումների մասին էլ պետք է նշել հոդվածում։ --David1992 (քննարկում) 15։43, 15 Օգոստոսի 2013 (UTC)

Համաձայն եմ, սակայն մյուս տեսակետին հարողներն էլ պակաս հայտնի չեն:--Արամ-վան 17:08, 15 Օգոստոսի 2013 (UTC)

Քննարկում ծավալելուց առաջ, նախ արժի հասկանալ, թե ինչ է նշանակում «հայկական պետություն»: Դա նշանակում է, որ ա․ տվյալ երկրի պաշտոնական լեզուն հայերենն է, բ․ բնակչությունը մեծամասնությամբ հայ է և/կամ գ․ առնվազն իշխող դասակարգն է ազգությամբ հայ։ Նման բան չի ապացուցում Սամուելյանի հղումը և նման տեսակետ միարժեք ընդունված չէ ժամանակակից պատմագիտության մեջ։

Կան տարբեր վարկածներ առաջ քաշող պատմաբաններ, ըստ որոնց Ուրարտուում եղել է զգալի հայկական բնակչություն, կան նաև վարկածներ, ըստ որոնց ուրարտերենը զգալի ազդեցություն է կրել (նախա)հայերենից։ Այդ վարկածներից ոչ մեկը լիարժեք հաստատված չէ: Նույնիսկ եթե դրանք հաստատվեին, «Ուրարտուն հայկական պետություն է» արտահայտությունը էլի բավական վիճարկելի կլիներ, և շատ անցանկալի կլիներ հոդվածի ներածությունն սկսել նման նախադասությամբ (հոդվածի ներածությունը պետք է ներկայացնի հաստատված, կասկած չհարուցող փաստեր):

Ինչ վերաբերում է հայ, և օտար պատմաբաններին, ապա որևէ պատճառ կամ կանոն չկա, որը կստիպի միայն առաջիններին հաշվի առնել: Ըստ որում, ոչ գիտական շահագրգռվածություն կարող են ունենալ ինչպես առաջինները, այնպես էլ երկրորդները: --vacio 10:11, 18 Օգոստոսի 2013 (UTC)

Ուրարտուի քարտեզի կեղծիքը։

Հեթական կեղծիք, այն էլ հայկական Վիքիպեդիայի էջերում.

Վանի Արարատյան թագավորություն /մ.թ.ա. 9-6-րդ դարեր/

Քարտեզը, որը դուք կտեսնեք, վերցված է հայկական Վիքիպեդիայի Ուրարտու հոդվածից, որը երևի կազմել են ադրբեջանցիները, որտեղ, ով զարմանք,մ.թ.ա. 9-6-րդ դդ Ուրարտուին համահավասար կա Ադրբեջան պետությունը։ Զարմանում ես, որ այն նույնությամբ արտատպել են հայկական Ուրարտու Վիքիպեդիայի հոդվածում..– Այս անստորագիր գրառման հեղինակն է 46.70.67.85 (քննարկում|ներդրումներ) մասնակիցը։

Ո՞ր քարտեզում է գրված Ադրբեջան անվանումը։--Գարդմանահայ (քննարկում) 11:08, 22 Մարտի 2014 (UTC)

Ողջունելի է, որ Հայկական Վիքեպեդիան սկսել է «ազատվել» Ուրարտու անվանումից, սակայն «Վանի թագավորություն» պատմագիտական տերմինը օգտագործել և ընդունել է միայն մեկ պատմաբան-հնագետ՝ Пиотровский Б. Б. Ванское царство (Урарту), Издательство Восточной литературы, Москва, 1959.

Առաջարկս, որպեսզի բոլոր կողմերի համար վերնագիրը լինի ընդունելի, որպեսզի այդ թվում նաև Տուշպայի արքաների համար «լինի հասկանալի», թե խոսքը այս ո՞ր երկրի մասին է, առաջարկում եմ վերախմբագրել վերնագիր, ՎԱՆ-ից հետո փակագծերում գրել (ԲԻԱՅՆԻԼԻ) ապա ինչպես վերնագրում է: Կատացվի

ՎԱՆԻ (ՆԱԻՐԻ: ԲԻԱՅՆԻԼԻ) ԹԱԳԱՎՈՐՈՒԹՅՈՒՆ

Հիմնավորումը: «Ուրարտական» հորջորջվող բոլոր արձանագրություններում, այդ երկրի արքաները իրենց համարել են կամ ՆԱԻՐԻԻ (երեք առաջին արքաները) կամ Բիայնիլիի («ԲիՀայնիլիի») ՏՈՒՇՊԱ քաղաքի արքաներ, բայց ոչ Վանի, քանի որ Տուշպայի Վան անվանումը հայագիտության վիճելի թեմաններից մեկն է, և որևէ տարակույս չկա, որ Տուշպայի արքաները՝ Վանի արքաներ չէին, թագավորությունը հենց իրենք՝ թագավորները չեն կոչել Վանի անունով, այլ կոչել են երկու անունով՝ Նաիրիի (կամ)Բիայնիլի երկրի Տուշպայի թագավոր(ներ), այստեղից էլ այդ թագավորությունը հայկական երկրորդ թագավորությունն էր՝ Սեդրակ - Սարդուրի Բ սկսած՝ ԿԱՅՍՐՈՒԹՅՈՒՆ-աշխարհակալություն, և պետք սույն հոդվածը համապատասխանի թագավորության ԻՆՔՆԱՆՎԱՆՄԱՆԸ՝ Բիայնիլիի թագավորություն(Աղբյուրը՝ Меликишвили Г.А. Урартские клинообразные надписи. — Москва: Издательство АН СССР, 1960):--Ս.Ասմարյան (քննարկում) 09:49, 20 Հունվարի 2016 (UTC)--Ս.Ասմարյան (քննարկում) 09:55, 20 Հունվարի 2016 (UTC)

Հիմնական տեքստից պատմողական բնույթի նախաբանը հանվել է իմ կողմից:--Ս.Ասմարյան (քննարկում) 10:05, 20 Հունվարի 2016 (UTC)

Անվանման տանջահարույց հարցը

Իսկ ինչու Ուրարտու:--Արամ-վան 22:22, 28 Հունիսի 2014 (UTC)

Բարև Հայկ ջան։ Այստեղ և շատ այլ աղբյուրներում գրված է, որ Ուրարտուն դա նույն Վանի թագավորությունն է, պարզապես այլ երկրի (Ասորեստանի) կողմից տրված։ Այս դեպքում որքանով է ճիշտ հոդվածի վերնագիրը թողնել Ուրարտու կամ հակառակը՝ վերանվանել Վանի թագավորություն։ --Գարդմանահայ (քննարկում) 17:14, 4 Հոկտեմբերի 2014 (UTC)

Միանգամայն համաձայն եմ, որ անունը կոչվի Վանի թագավորություն: Գրել վերնագիրը Ուրարտու, նույնն է, ինչ Հայաստանը գրենք Արմենիա, կամ՝ Վրաստանը՝ Գռուզիա: Պետության անունը Բիայնիլի էր, որից ծագում է Վան անունը, և պետությունը հայերեն կոչվել է Վանի թագավորություն (երբեմն գրելու եմ մանրամասն, թեև լավ գիտեմ, որ այս ամեն ինչը շատ լավ տիրապետում ես, ուղղակի այլ ընթերցողներ էլ կարող է լինեն): Միանշանակ, պետք է անունը փոխենք Վանի թագավորություն: Այդպես է գրված նաև դպրոցական ու բուհական դասագրքերում: Եթե դեմ չես, դրա բարելավմամբ զբաղվիր դու, իսկ Հայկական լեռնաշխարհի բարելավմամբ՝ ես, հետո կանցնենք առաջ: Բուհական ամենահեղինակավոր դասագրքից արդեն գրել եմ իմ սևագրում ամբողջ ինֆորմացիան, հարստացնում եմ, դնեմ վիքի՝ մաս առ մաս: --Հայկ (արաբագետ) 17:22, 4 Հոկտեմբերի 2014 (UTC)

Համաձայն եմ։ Լիլիթ ջան, խնդրում եմ Ուրարտու հոդվածը վերանվանես Վանի թագավորություն վերևում գրվածի համաձայն։ Եթե դեմ ես, գրի այստեղ, որպեսզի խնդիրը ներկայացնեմ Անվանափոխման ենթակա հոդվածների էջում։ --Գարդմանահայ (քննարկում) 17:31, 4 Հոկտեմբերի 2014 (UTC)

Խնդրում եմ այս քննարկումը տեղափոխել հոդվածի քննարկման էջ։ Աշխատասեղանում արված քննարկման հիման վրա չեմ կարող վերանվանել։ --Լիլիթ (քննարկում) 18:44, 4 Հոկտեմբերի 2014 (UTC)

--Հայկ (արաբագետ) 18:50, 4 Հոկտեմբերի 2014 (UTC)

Արված է --Լիլիթ (քննարկում) 19:06, 4 Հոկտեմբերի 2014 (UTC)

Հոդվածի վերանվանման քննարկումը տևում է 10 րոպե??? հմմմ...հետաքրքիր մոտեցում է:--David1992 (քննարկում) 19:08, 4 Հոկտեմբերի 2014 (UTC)

Դավիթ ջան, նորարարական մոտեցում է։--Գարդմանահայ (քննարկում) 19:15, 4 Հոկտեմբերի 2014 (UTC)

Այլ կարծիք կամ մոտեցում ունեք? Օրինակ՝ ինձ դուր եկավ վերևի քննարկումից Ձեր գրվածը՝ չեզոքության մասին: Շատ ճիշտ դիրքորոշում է: Հետաքրքիր կլինի լսել կարծիքը այս վերանվանման մասով--Հայկ (արաբագետ) 19:17, 4 Հոկտեմբերի 2014 (UTC)

Չէ, Հայկ, ես մասնագետ չեմ այս հարցի, ուղակի նախկինում մի քանի ամիս էին նման հարցեր քննարկում, հիմա 10 րոպե, թե չէ կոնկրետ հարցի մասին ասելու բան չունեմ:--David1992 (քննարկում) 19:21, 4 Հոկտեմբերի 2014 (UTC)

Շատ լավ: Ուղղակի որ հղումները գնում էին ԵՊՀ պատմության ամբիոն ու ԳԱԱ, իսկ պատմաբաններ մեր վիքիում կամ չկան, կամ խիստ պասիվ են, այս անգամ այսպես եղավ:--Հայկ (արաբագետ) 19:25, 4 Հոկտեմբերի 2014 (UTC)

Հոդվածի սկզբում ներկայցնելը տարբեր անվանումների օգտագործման աղբյուրները շատ կարևոր է, քանի որ Վիքիպեդիան քարոզչական գործիք չի, ճիշտ է ցանկացած տեղեկատվություն ունի նմանատիպ ֆունկցիա, բայց տվյալ պարագայում դա պիտի երկրորդային լինի, ոչ թե առաջնային: Հիմա շատ կարևոր մի այլ հարց, երբ հոդվածը անվանափոխվում է, իսկ հոդվածում անվան օգտագործումը չի փոխվում, ապա տպավորություն է առաջանում, որ անվանափոխությունը ինքնպատակ է, իսկ ինքնանպատակ գործողությունները Վիքիպեդիայում չեն ողջունվում:--6AND5 (քննարկում) 07:54, 5 Հոկտեմբերի 2014 (UTC)

Այսի՞նքն։--Գարդմանահայ (քննարկում) 10:04, 5 Հոկտեմբերի 2014 (UTC)

Առաջին թե երկրորդ պահով?--6AND5 (քննարկում) 10:36, 5 Հոկտեմբերի 2014 (UTC)

Եթե դեմ չեք, արվել է այս փոփոխությունը:--Հայկ (արաբագետ) 18:05, 5 Հոկտեմբերի 2014 (UTC)

Կարծում եմ ավելի հաջող էր դպրոցական դասագրքի տարբերակը: Այլ խնդիրներից խոսեմ, հարկավոր է մ.թ.ա. 8-րդ դարի հզորագույն պետություն նախադասությանը աղբյուր ավելացնել և շատ կարևոր մի պահ ևս, որ անտեսվեց, եթե հոդվածը փոխվում է, բայց հոդվածում շարունակվում է գործածվել նախկին անվանումը, ապա տվյալ դեպքում հարկավոր է դնել վիքիֆիքացման կաղապար: Խնդրում եմ ևս մեկ անգամ անվանափոխություն նախաձեռնող մասնակիցը թող փոխի անվանումները բոլոր հոդվածներում(վառ օրինակ՝Վանի թագավորության կառավարման իրավական հիմունքներ), հակառակ պարագայում ես չեմ հասկանում, որն է իմաստը փոփոխելու...--6AND5 (քննարկում) 18:52, 5 Հոկտեմբերի 2014 (UTC)

6AND5 ջան, ապրես, որ ուշադիր ես։ Երևում է անհամբեր մարդ ես ։)) Վիքիվիկացման կաղապարը հիմա կտեղադրեմ։--Գարդմանահայ (քննարկում) 19:04, 5 Հոկտեմբերի 2014 (UTC)

Հարգելիս հարկավոր չի կաղապար տեղադրել, հարկավոր է դրանք փոխել, հակառակ պարագայում կարող ես ասել անվանափոխելու իմաստը?, ի դեպ նույնը արմենոիդ ռասայի վերաբերյալ, տես սեպտեմբերի 20-ից ինչքան օր է անցել և մասնակիցները այդպես էլ չստացան իրենց հարցի պատասխանը այդ հոդվածի վերաբերյալ:--6AND5 (քննարկում) 19:08, 5 Հոկտեմբերի 2014 (UTC)

Եղբայր, ես հո բոտի գործառույթներով չե՞մ օշտված․ մի քիչ համբերություն։ --Գարդմանահայ (քննարկում) 19:12, 5 Հոկտեմբերի 2014 (UTC)

Համաձայն եմ․․․ --Լիլիթ (քննարկում) 18:54, 5 Հոկտեմբերի 2014 (UTC)

Մեր նախագիծը սկսել ենք 2 օր առաջ: Ես Հայկական լեռնաշխարհն եմ անում, Գարդմանահայը՝ Վանի թագավորությունը: Նախագծի ավարտին ոչ միայն ձեր այս, այլև շատ այլ հարցեր լուծված կլինեն: Շնորհակալություն--Հայկ (արաբագետ) 19:07, 5 Հոկտեմբերի 2014 (UTC)

Գործակալություններ

Արդյո՞ք այդ ժամանակաշրջանում եղել է գործակալություններ: 178.160.250.132 12:11, 13 հունվարի 2024 (UTC)

Բարև Ձեզ։ Ավելի կհստակեցնե՞ք հարցը։ — GeoØ (✖) 14:02, 13 հունվարի 2024 (UTC)