Քեռի Ամոսը չի գնում աշխատանքի
«Քեռի Ամոսը չի գնում աշխատանքի» (անգլ.՝ A Sick Day for Amos McGee), մանկական նկարազարդ գիրք, որ ստեղծել են ամերիկացի երկու երիտասարդ հեղինակներ՝ գրող Ֆիլիպ Ստեդը և նրա կինը՝ նկարչուհի Էրին Ստեդը։ Այն դարձել է Ֆիլիպի երկրորդ գիրքը և Էրինի առաջին աշխատանքը որպես նկարազարդող։
Քեռի Ամոսը չի գնում աշխատանքի անգլ.՝ A Sick Day for Amos McGee | |
---|---|
Տեսակ | գրավոր աշխատություն |
Հեղինակ | Erin E. Stead? |
Երկիր | ԱՄՆ |
Բնագիր լեզու | անգլերեն |
Նկարազարդող | Erin E. Stead? |
Հրատարակվել է | մայիսի 25, 2010 |
Գիրքը արժանացել է հեղինակավոր մրցանակի՝ Կալդեկոտի մեդալի 2011 թվականին[1]։
Սյուժե
խմբագրելԾեր քեռի Ամոսը ամեն օր ավտոբուսով գնում է կենդանաբանական այգի, որտեղ նա շատ գործ ունի. նա շախմատ է խաղում փղի հետ, մրցումով վազում է կրիայի հետ, լուռ նստում է ամաչկոտ պինգվինի մոտ, թաշկինակ է տալիս ռնգեղջյուրին և գիշերն ընթերցում բվի համար, որը վախենում է մթությունից։
Մի անգամ քեռի Ամոսը զգում է, որ հիվանդացել է, դրա համար էլ չի գնում կենդանաբանական այգի։ Կենդանիներն ամբողջ օրը ձանձրանում են, իսկ երեկոյան նույն ավտոբուսով շտապում են նրա տուն։ Նրանք զվարճացնում են քեռի Ամոսին. փիղը նրա հետ խաղում է շախմատ, պինգվինը նստում է նրա կողքին, ռնգեղջյուրը թաշկինակ տալիս, իսկ բուն գիրք է ընթերցում։ Կենդանիները գիշերում են քեռի Ամոսի տանը, իսկ առավոտյան ապաքինված քեռի Ամոսի հետ միասին գնում են կենդանաբանական այգի։
Մրցանակներ
խմբագրել- 2010 – տարվա լավագույն մանկական նկարազարդ գիրք The New York Times-ի վարկածով[2]
- 2011 – Կալդեկոտի մեդալ