Փղիկը (մուլտֆիլմ, 1936)

Փղիկը (ռուս.՝ Слонёнок), խորհրդային մուլտֆիլմ, որը նկարահանվել է 1936 թվականին։ «Սոյուզմուլտֆիլմ» ստուդիայի առաջին աշխատանքներից է։ Մուլտֆիլմը նկարահանվել է ըստ Ռեդյարդ Քիփլինգի «Պատմվածքներ հենց այնպես» («Just So Stories») ժողովածուում ընդգրկված համանուն հեքիաթի մոտիվների։

Փղիկը ռուս.՝ Слонёнок
Տեսակ	կարճամետրաժ մուլտիպլիկացիոն ֆիլմ
Ժանր	հեքիաթ և նկարված անիմացիոն ֆիլմ
Երկիր	ԽՍՀՄ
Լեզու	ռուսերեն
Ընկերություն	Սոյուզմուլտֆիլմ
Տևողություն	9,1 րոպե
Թվական	1936

Մուլտֆիլմում գրեթե ոչ մի բառ չի հնչում (բացառությամբ վերջին դրվագի)։ Հիմնականում հնչում է երաժշտություն։

Սյուժե

Մուլտֆիլմը պատմում է հետաքրքրասեր փղիկի մասին, որը մտադրվել էր պարզել, թե կոկորդիլոսն ինչ է սիրում ուտել ճաշին։

Նույնանուն հեքիաթի առաջին էկրանավորումն է։ Երկրորդը նկարահանվել է 1967 թվականին։

Տարբերություններ հեքիաթից

Մուլտֆիլմում Փղիկն ուներ ընկերներ` կորյունը և ընձուղտը, իսկ հեքիաթում նա ոչ մի ընկեր չուներ (իսկ ընձուղտը նրա քեռին էր)։ Մուլտֆիլմում կա նաև մացառախոզի կերպարը, ով ասեղներով ծակծկում է փղիկին՝ հետաքրքրասիրության համար։ Մուլտֆիլմում բացակայում են փղիկի մյուս քեռին` շնակապիկը, և վիշապօձը (որի շնորհիվ գլխավոր հերոսն իմանում է, ինչ օգուտ է բերում կնճիթը), իսկ Կոլոկոլո թռչնակը, որը փղիկին խորհուրդ է տալիս այցելել կոկորդիլոսին, մուլտֆիլմում փոխարինվել է մարաբուով։

Արտաքին հղումներ

• «Փղիկը» (1936) մուլտֆիլմը «Անիմատոր.ռու» կայքում