Փառնակ Այվատյան

Փառնակ Այվատյան (1860, Ստամբուլ, Օսմանյան կայսրություն - 1940), հայ խմբագիր։

Փառնակ Այվատյան
Ծնվել է	1860
Ծննդավայր	Ստամբուլ, Օսմանյան կայսրություն
Մահացել է	1940
Մասնագիտություն	խմբագիր

Կենսագրություն

Ծնվել է Կ. Պոլսում։ Որդին է Մատթեոս Այվատյանի։ Կրթությունն ստացել է Պոլսի Ռոբերտ քոլեջում։ Հոր մահից հետո, 1880-ականների կեսերին, ընտանիքով տեղափոխվել է ԱՄՆ, հաստատվել Նյու Յորքում։ Երկար տարիներ պաշտոնավարել է «Նյու Յորք թայմզ» թերթի արտասահմանյան բաժանորդագրության գրասենյակում։ Միաժամանակ կապված է եղել հայ կյանքի ու մշակույթի հետ։ 1891 թ.-ին Նյու Յորքում սկսել է հրատարակել «Արարատ» պարբերականը, որը դադարել է երկու տարուց։ Հետագայում, տասը տարի անց, նորից է փորձել վերահրատարակել այն որպես ամսագիր, սակայն հազիվ կարողանում է երկու համար լույս ընծայել։ Դրանից հետո զբաղվել է առևտրական գործերով, մերթընդմերթ աշխատակցելով ամերիկահայ մամուլին։