Տագանրոգի կենտրոնական լողափ
Տագանրոգի կենտրոնական լողափ (ռուս.՝ Центральный пляж Таганрога), քաղաքի ամենահին լողափը, որի բացումը տեղի է ունեցել 1934 թվականին[1]։ Գտնվում է ՌԴ Ռոստովի մարզի Տագանրոգ քաղաքի կենտրոնական մասում, Տագանրոգի ծոցի ափին։
Տագանրոգի կենտրոնական լողափ ռուս.՝ Центральный пляж Таганрога | |
---|---|
Տագանրոգի կենտրոնական լողափը XX դարի առաջին կեսում | |
Երկիր | Ռուսաստան |
Քաղաք | Տագանրոգ |
Հիմնադրման թվական | 1934, մայիսի 25 |
Շինարարության սկիզբ | 1920-ական թվականներ |
Շինարարության վերջ | 1930-ական թվականներ |
Վիճակ | ունի հիմնանորոգման և բարեկարգման կարիք |
Պատմություն խմբագրել
1920-ական թվականների վերջից մինչև 1930-ական թվականների սկիզբը կառուցվել է քաղաքային կենտրոնական լողափը։ Նրա հանդիսավոր բացումը տեղի է ունեցել 1934 թվականի մայիսի 25-ին։ Լողափը գտնվել է Տագանրոգի բնակմիության տնօրինության տակ, մուտքը եղել է վճարովի[1]։
Պատերազմի ավարտից հետո` 1940-ականներին, ակտիվորեն ընթացել են քաղաքային լողափի բարեկարգման աշխատանքները[1]։
1962 թվականին կատարվեցին մի շարք գործողություններ։ Զառիթափի տակ կառուցվեց 360 մետր երկարությամբ և 2,5 մետր բարձրությամբ հիմնապատ։ Կառուցվեցին 10 մետր լայնությամբ պատշգամբներ` արևաբուժարան, բուժկետ, բուֆետ և պահասենյակներ տեղաբաշխելու համար։ Ավելացվեցին հովարները, նստարանները, սնկիկները։ Տնկվեցին ծառեր և թփեր[1]։
1980-ական թվականներին լողափի մուտքի առաջ կահավորվեց ավտոկայանատեղ։ Սկսեցին գործել առևտրի տաղավարը և գազավորված ջրի ավտոմատները։ Ծովափում գործակվեցին մանկական խաղահրապարակը, վարձույթի կետը և մարզահրապարակը[1]։
2014 թվականին լողափը զգալիորեն տուժեց փոթորկից։ 2015 թվականի հուլիսին Ռոստովի մարզի նահանգապետի պաշտոնակատար Վասիլի Գոլուբևը հրամայեց կարգի բերել այն[2]։ Կենտրոնական լողափը 2015 թվականին որոշվեց համարել վթարային վտանգավոր գոտի, ողջ տարածքում տեղադրել ցանկապատեր և համապատասխան տեղեկատվական ցուցանակներ[3]։
2016 թվականի դրությամբ Կենտրոնական լողափը գտնվում է «Բարեկարգում» քաղաքային բյուջետային կազմակերպության վարույթում, այդ ժամանակաշրջանում նրա բարեկարգման նպատակով բյուջետային միջոցներ նախատեսված չեն եղել[2]։
Ծանոթագրություններ խմբագրել
- ↑ 1,0 1,1 1,2 1,3 1,4 Энциклопедия Таганрога, Ростов-на-Дону, Росиздат, 2003
- ↑ 2,0 2,1 В Таганроге на Центральный пляж в бюджете 2016 года денег не предусмотрено
- ↑ «Центральный пляж Таганрога признали аварийно-опасной зоной». Արխիվացված է օրիգինալից 2017 թ․ մարտի 19-ին. Վերցված է 2017 թ․ մարտի 25-ին.