Վյաչեսլավ Ավերյանով
Վյաչեսլավ Անդրեևիչ Ավերյանով (ռուս.՝ Вячеслав Андреевич Аверьянов, սեպտեմբերի 28, 1897, Սարատով, Ռուսական կայսրություն - 1941), ռուս խորհրդային արձակագիր և բանաստեղծ, դրամատուրգ, լրագրող։
Վյաչեսլավ Ավերյանով | |
|---|---|
| Ծնվել է | սեպտեմբերի 28, 1897 |
| Ծննդավայր | Սարատով, Ռուսական կայսրություն |
| Վախճանվել է | 1941 |
| Մասնագիտություն | գրող |
| Ժանրեր | արձակ, պատմվածք, պիես և հրապարակախոսություն |
Կենսագրություն խմբագրել
Վյաչեսլավ Ավերյանովը ծնվել է 1897 թվականի սեպտեմբերի 28-ին Սարատովում։ Ավարտել է ռեալական ուսումնարան, սովորել Սարատովի համալսարանի պատմա-բանասիրական ֆակուլտետում։ 1921 թվականից ապրել է Մոսկվայում։ Աշխատել է «Крестьянская газета» պարբերականի թղթակից, հրատարակել է արձակ ստեղծագործություններ, բանաստեղծություններ և պիեսներ։ Աշխատել է դրամատուրգ Անդրեյ Նավրոզովի հետ համահեղինակությամբ։ Ավերյանովի բանաստեղծություններն ու պատմվածքները, ըստ Յու. Պոշեմանսկու, աչքի են ընկել հատուկ քնարականությամբ։ Ավերյանովի պիեսները մեծ ժողովրդականություն են վայելել ԽՍՀՄ ինքնագործ թատրոններում[1][2]։ 1935 թվականին թարգմանել է Իվան Ֆրանկոյի «Գողացված երջանկություն» պիեսը[3]։
Հայրենական մեծ պատերազմի սկզբում Ավերյանովը փորձել է մտնել գործող բանակ, սակայն կարճատեսության պատճառով չի զորակոչվել։ Մոսկվայի աշխարհազորը կազմավորելիս գրանցվել է նրա կազմում և հայտնվել 8-րդ Կրասնոպրեսնենսկի դիվիզիայի 22-րդ հրաձգային գնդի 1-ին գումարտակի Գրողների վաշտերից մեկում։ Նշանակվել է բաժանմունքի հրամանատար։ Ճակատում միացել է Կոմունիստական կուսակցությանը[1][2]։
Մասնակցել է Մոսկվայի պաշտպանությանը, հայտնվել է շրջափակման տակ։ Վերջին նամակը նրա հարազատներն ստացել են Սարատովում 1941 թվականի հոկտեմբերի 1-ին․ «...Ինձ նշանակեցին բաժանմունքի հրամանատար, ընդունեցին կուսակցություն, աշխատանքները շատ են, բայց աշխատանքը հետաքրքիր է, իսկ գլխավորը՝ անհրաժեշտ և օգտակար՝ յուրացնում ենք ռազմական ուսումը և ցանկացած պահի պատրաստ ենք հանդիպել նողկալի թշնամու հետ։ Գրեք, թանկագիններս, ավելի հաճախ, ձեր նամակները շատ հաճելի են և մեզ անհրաժեշտ։ Եղեք աշխույժ և հույս ունեցեք, որ հաղթելու ենք։ Ամուր համբուրում եմ ձեզ։ Վյաչեսլավ։ 21/IX 1941»[1][2]։
Ընտանիք խմբագրել
Ստեղծագործություններ խմբագրել
Պիեսներ խմբագրել
- Ոսկե թավա, դրամա 3 գործողությամբ և 6 տեսարանով (1934)
- Զառիթափ, դրամա 5 տեսարանով (1930)
- Վերջին ռասմաճակատը, պիես 4 գործողությամբ և 6 տեսարանով (1929)
- Особый Ефим или все в Осоавиахим, կատակերգություն 3 տեսարանով (1928)
- Իններորդ ալիք (Հոկտեմբերի 10-ամյակին), պիես 3 գործողությամբ (1927)
- Դավաճանը, պիես 2 գործողությամբ (1927)
- Կոմունայի տանը, Նոր կենցաղի տեսարաններ 3 գործողութամբ (1926, Ա. Նավրոխովի հետ համահեղինակությամբ)
Արձակ խմբագրել
- Ոսկե թավա, պատմվածք (1927)[4]
- Մարդն առանց անթացուպերի, պատմվածքներ (1927)
- Ամերիկացին, վիպակ (1925)
Ծանոթագրություններ խմբագրել
- ↑ 1,0 1,1 1,2 1,3 1,4 «Персоналии». www.comk.ru. Վերցված է 2016 թ․ ապրիլի 20-ին.
- ↑ 2,0 2,1 2,2 Рунин Б. Писательская рота // Новый мир : журнал. — 1985. — № 3.
- ↑ Украденное счастье. (Жандарм) [Текст] : Драма из деревенской жизни в 5 д. / Иван Франко ; Пер. с укр. и переработка В. Аверьянова, П. Жаткина. — Москва : изд-во и стеклогр. Центр. упр. по распространению драматургич. продукции «Цедрам», 1935. — Тит. л., 34 с.
- ↑ Сегодня. — Кооперативное изд-во писателей "Сегодня", 1927-01-01. — 374 с.