Սա Վիքիպեդիայի լավ և ընտրյալ հոդվածի կարգավիճակ ստանալու համար ներկայացված էջերի գնահատման համար բացված նախագիծ է։ Յուրաքանչյուր խմբագիր կարող է ազատ միանալ նախագծին:
Բարի գալուստ հոդվածների գնահատման նախագիծ:
Նպատակներ
Ակտիվորեն մասնակցել լավ և ընտրյալ հոդվածի կարգավիճակ ստանալու համար ներկայացված էջերի գնահատման փուլին, ներկայացնել դիտողություններ և առաջարկներ, կատարել համապատասխան շտկումներ:
Յուրաքանչյուր մասնակից կարող է դիմել Վիքինախագծի անդամ դառնալու համար, եթե համապատասխանում է հետևյալ պայմաններին.
24 ամիս վիքիստաժ (հաշվի են առվում այն ամիսները, երբ մասնակիցը իր հաշվից կատարել է առնվազն 1 խմբագրում «Մասնակից» անվանատարածքից դուրս, որը հետ չի շրջվել),
Նվազագույնը 6000 գործողություն, որից 3000-ը հոդվածներում (մասնակցի կողմից ավտոմատ ծրագրով, այդ թվում ԱՎԲ-ով կատարված խմբագրումները հաշվի չեն առնվում),
Ցանկալի է առաջադրվող թեկնածուն ունենա կարևոր քննարկումների և գնահատումների մասնակցության որակական ցուցանիշ:
Եթե Դուք ցանկանում եք դառնալ Վիքինախագծի անդամ, ապա ավելացրեք Ձեր մասնակցի անունը ստորև բերված համապատասխան բաժնում։ Բոլոր գրանցված անձինք՝ բացառությամբ թեկնածուից, կարող են քվեարկել միայն մեկ անգամ։ Հիմնավորումները, կարծիքների արտահայտումը և կառուցողական քննարկումները ողջունելի են։
Եթե Դուք առաջարկում եք ինչ-որ մեկին դարձնել Վիքինախագծի անդամ, ապա ավելացրեք նրա կեղծանունը ստորև՝ համապատասխան բաժնում։ Առաջարկված մասնակիցը պետք է տա Վիքինախագծի անդամ դառնալու իր համաձայնությունը մինչև քվեարկության սկիզբը կամ քվեարկության բացման կամ դրան հաջորդող 1-2 օրերի ընթացքում։
Քվեարկությունը տևում է 1 ամիս (30 օր)։ Նվազագույնը 7 կողմ ձայներ և 66.6 տոկոս դրական արդյունք ապահովված թեկնածուին կտրվի նախագծի մասնակցի կարգավիճակ քվեարկության ավարտից հետո։
Վիքինախագծի անդամներից ակնկալվում է ակտիվորեն հետևել գնահատման գործընթացին, լինել հնարավորինս անաչառ և չեզոք` պահպանելով գնահատման և Վիքիպեդիայի կանոնները:
Գնահատմանը ներկայացնող մասնակիցներից ակնկալվում է հետևել Վիքինախագծի անդամների դիտողություններին, կատարել մատնանշված շտկումները:
Հարգելինե՛րս, խնդրում եմ ինձ հանել այս ցուցակից: Ես, ինչքան հասկացա, պայքարելու եմ հողմաղացների դեմ: Ու բոլոր քայլերս, որ Հայերեն Վիքիպեդիան ավելի որակով դառնա, ի չիք են դառնալու: Բազմաթիվ դեպքեր կան, որ վատ թարգմանության իմ պիտակումների համար այս կամ այն մասնակցի հետ վիճաբանությունը ընդհուպ հասել է ԱՏ՝ դիտարկվելով որպես հետապնդում կամ արգելք, որ չզարգանա ՀՎ-ն: Ուստի, կարդալով այսօր խորհրդարանում հնչած այս կարծիքը, խնդրում եմ իմ անունը հեռացնել, քանի որ, եթե գնահատման փուլի որևէ վատ թարգմանված հոդվածի համար սկսեմ կարծիքներ գրել, ապահովագրված չեմ լինի, որ այն նույնպես չի պիտակվելու որպես «հայոց պատմություն»: Ի հարգանս՝ --Valen1988 (քննարկում) 12:59, 24 Օգոստոսի 2020 (UTC)[reply]