Վերջաբան (ֆիլմ)
«Վերջաբան» (ռուս.՝ «Послесловие»), 1983[1] թվականի խորհրդային ֆիլմ, որը նկարահանել է ռեժիսոր Մառլեն Խուցիևը[2] Յուրի Պախոմովի «Աները եկել է» (ռուս.՝ «Тесть приехал») պատմվածքի հիման վրա։ Ռոստիսլավ Պլյատի և Անդրեյ Մյագկովի դուետը ներկայացնում է դրամատիկ իրավիճակ. դստերն ու փեսային այցելության եկած ծերունին բախվում է երեխաների անտարբերությանը։
 ռուս.՝ Послесловие | |
|---|---|
| Երկիր |  ԽՍՀՄ |
| Ժանր | դրամա |
| Թվական | 1983 |
| Լեզու | ռուսերեն |
| Ռեժիսոր | Մարլեն Խուցիև |
| Սցենարի հեղինակ | Մարլեն Խուցիև |
| Դերակատարներ | Ռոստիսլավ Պլյատ և Անդրեյ Մյագկով |
| Օպերատոր | Լեոնիդ Կալաշնիկով |
| Երաժշտություն | Յոհան Սեբաստիան Բախ |
| Պատմվածքի վայր | Մոսկվա |
| Կինոընկերություն | Մոսֆիլմ |
| Տևողություն | 98 րոպե |
Սյուժե խմբագրել
75-ամյա Ալեքսեյ Բորիսովիչը հարավից Մոսկվա է գալիս դստերը այցելելու։ Բայց դուստրը գործուղման է գնացել։ Աներոջը դիմավորում է փեսան, որն արձակուրդ է վերցրել՝ ատենախոսության վրա աշխատելու համար։
Տարբեր սերունդների երկու ներկայացուցիչները, որոնք կյանքի վերաբերյալ տարբեր հայացքներ ունեն, մի քանի օր են անցկացնում միասին։ Նախկին ռազմական վիրաբույժ Ալեքսեյ Բորիսովիչը դստերը սպասելիս ժամանակն անցկացնում է փեսայի՝ Վլադիմիրի հետ զրուցելով, պարբերաբար հանդիպելով հին ընկերների հետ և շրջելով Մոսկվայում, որտեղ նա անցկացրել է իր երիտասարդությունը նախապատերազմական տարիներին։
Դերերում խմբագրել
- Ֆիլմում ընդամենը երկու հերոս կա՝ Ալեքսեյ Բորիսովիչը և Վլադիմիրը։ Այն դերասանները, որոնք խաղացել են դրվագներում, լուսագրերում նշված չեն։
- Հեռախոսով հնչող ձայնը հնչյունավորել է նկարիչ Ֆելիքս Յավորսկին։
- Ֆիլմում նկարահանվել է նաև Յուրի Սենկևիչը՝ իր կերպարով։
Նկարահանումներ խմբագրել
- Ալեքսեյ Բորիսովիչի դերի համար ռեժիսոր Խուցիևն ի սկզբանե հրավիրել է Լեոնիդ Օբոլենսկին[3]։
- Վլադիմիրն ասում է, որ ինքն ապրում է Տուշինոյում, բայց ֆիլմը նկարահանվել է Վերնադսկի պողոտայում, Կոշտոյանց փողոց, 2 (խաչաձև տուն) հասցեում, Օլիմպիական գյուղ-80-ում[4] (դրվագներ մեքենայի մեջ կայարանից տուն գնալու ճանապարհին), Միչուրինսկի պողոտայում, ակադեմիկոս Անոխինի փողոց, 12 շենք 1 հասցեում (Վլադիմիրի բնակարան)։
- Ֆիլմի հեռուստատեսային պրեմիերան տեղի է ունեցել ԳԴՀ-ում 1984 թվականի դեկտեմբերի 20-ին։
Երաժշտություն խմբագրել
- Ֆիլմի սկզբում և վերջում հնչում է Լյուդվիգ վան Բեթհովենի № 14 դաշնամուրային սոնատի առաջին հատվածը։
Ծանոթագրություններ խմբագրել
- ↑ Epilogue at the KinoPoisk
- ↑ Epilogue at the kino-teatr.ru
- ↑ Марлен Хуциев принял участие в кинофестивале «Полный артхаус»(չաշխատող հղում)
- ↑ Послесловие Хуциева
Գրականություն խմբագրել
Արտաքին հղումներ խմբագրել
- «Վերջաբան»(անգլ.) ֆիլմը Internet Movie Database կայքում