Բացել գլխավոր ցանկը

Վարդգես Օվյան

հայ հրապարակախոս, արձակագիր

Վարդգես Վազգենի Օվյան (նոյեմբեր 4, 1959), հայ արձակագիր, հրապարակախոս, ԽՍՀՄ գրողների միության անդամ 1988 թվականից, Վազգեն Օվյանի որդին։

Վարդգես Օվյան
Վարդգես Օվյան.jpg
Ծնվել էնոյեմբերի 4, 1959(1959-11-04) (59 տարեկան)
ԾննդավայրՍտեփանակերտ, ԼՂԻՄ, ԱԽՍՀ, ԽՍՀՄ
Մասնագիտությունարձակագիր և հրապարակախոս
Լեզուհայերեն
Ազգությունհայ
ԿրթությունԱրցախի պետական համալսարան
Ուշագրավ աշխատանքներ«Ձմեռային սերենադ», «Մենախոսություն վերջին նստարանից», «Կարմիր ծաղկաթերթեր», «Կիսատ պատմվածքներս, տղան և ուրիշներ»
ԱնդամակցությունԽՍՀՄ Գրողների միություն
Կայքvardgesovyan.blogspot.am/p/blog-page_04.html

ԿենսագրությունԽմբագրել

Ծնվել է 1959 թվականի նոյեմբերի 4-ին՝ Ստեփանակերտում։ Ավարտել է տեղի մանկավարժական ինստիտուտի բանասիրական ֆակուլտետը։ 1988 թ.-ից եղել է ԽՍՀՄ գրողների միության անդամ։ Աշխատել է հանրապետական «Խորհրդային Ղարաբաղ» («Արցախ», «ԼՂ Հանրապետություն») պաշտոնաթերթում՝ որպես թղթակից, բաժնի վարիչ, ապա՝ գլխավոր խմբագրի տեղակալ։

1992-1993 թթ. միաժամանակ եղել է Ասկերանի շրջանի «Խաչեն» շրջանային թերթի խմբագիրը։

1994-1996 թթ. ծառայել է ԼՂՀ պաշտպանության բանակում՝ որպես քաղբաժնի սպա, ապա՝ «Մարտիկ» թերթի պատասխանատու քարտուղար։

1997-1998 թթ. որպես հրատարակչական կենտրոնի ղեկավար աշխատել է Ստեփանակերտի պետական պոլիգրաֆ ձեռնարկությունում, 1999 թվականից՝ «10-րդ նահանգ», 2004-2006 թթ.՝ «Դեմո» հանրային թերթում՝ որպես պատասխանատու խմբագիր։

2009 թվականից «Նոր էջ» անկախ թերթի խմբագիրն է։

Տպագրվում է 1984 թվականից։ Հարյուրավոր պատմվածքների ու նովելների, դրամատիկական ստեղծագործությունների, բազմաթիվ հոդվածների հեղինակ է։ Տպագրվում է հայաստանյան և ղարաբաղյան թերթերում[1][2] [3]։

Տպագրված գրքերըԽմբագրել

  • Մենախոսություն վերջին նստարանից (պատմվածքներ), Ստեփանակերտ, 1995 թ., 128 էջ։
  • Կիսատ պատմվածքներս, տղան և ուրիշներ (պատմվածքներ), Ստեփանակերտ, 2005 թ., 132 էջ։
  • Ձմեռային սերենադ (նովելներ, պատմվածքներ, դրամատիկական ստեղծագործություններ), Ստեփանակերտ, 2005 թ., 256 էջ։
  • Կարմիր ծաղկաթերթեր, (նովելներ, պատմվածքներ, դրամատիկական ստեղծագործություններ, հոդվածներ), Ստեփանակերտ, 2007 թ., 224 էջ։

Արտաքին հղումներԽմբագրել

  • Լրագրողական հանրագիտակ, Ստեփանակերտ, 2012 թ., էջ 286
  • Կարմիր ծաղկաթերթեր, Ստեփանակերտ, 2007 թ., էջ 224

ԾանոթագրություններԽմբագրել