Վարդան Կոմիկյան

Վարդան Մինասի Կոմիկյան (հունվարի 9, 1915(1915-01-09), Ադաբազար, Թուրքիա - հունիսի 13, 1998(1998-06-13), Կոստանդնուպոլիս, Ստամբուլ, Թուրքիա), հայ արձակագիր, գրող:

Վարդան Կոմիկյան
Ծնվել է	հունվարի 9, 1915(1915-01-09)
Ծննդավայր	Ադաբազար, Թուրքիա
Վախճանվել է	հունիսի 13, 1998(1998-06-13) (83 տարեկանում)
Վախճանի վայր	Կոստանդնուպոլիս, Ստամբուլ, Թուրքիա
Մասնագիտություն	արձակագիր
Ազգություն	հայ
Կրթություն	Կեդրոնական վարժարան

Կենսագրություն

Վարդան Կոմիկյանը ծնվել է 1915 թվականի հունվարի 9-ին Թուրքիայի Ադաբազար քաղաքում: Նախնական կրթություն ստացել է Արամյան և Թորոսյան վարժարաններում: 1932 թվականին ավարտել է Կոստանդնուպոլսի Կեդրոնական վարժարանը, 1949 թվականից դասավանդել է տեղի Կեդրոնական Եսայան վարժարաններում, Դպրեվանքում: Նպաստել է պոլսահայ գրականության զարգացմանը։

Կոմիկյանը մահացել է 1998 թվականին Կ. Պոլիսում:

Ստեղծագործություններ

Ստեղծագործել է դպրոցական տարիքից: Առաջին անգամ հրատարակվել է 1932 թվականի «Զարթոնք» ամսագրում Վ. ծածկանվամբ, իսկ «Արեւելք» հավելվածներում հրատարակվել է Վ. Հազանդ գրչանունով: Թղթակցել է պոլսահայ գրեթե բոլոր օրաթերթին և հանդեսներին:

Լույս են տեսել Կոմիկյանի «Բարի եկար, սէր» (1958), «Համրիչի հատիկներ» (1993) պատմվածքների ժողովածուները, որոնցում գրողի զգացումներն են՝ կապված պատերազմի արհավիրքների, խաղաղության ու սիրո հետ:

Պարգևներ

• Հայ եկեղեցու Ներսես Շնորհալի շքանշան (1994)

Գրականություն

• Սփիւռքահայ արդի գրականութիւն (խմբ. խմբագրող և համադրող՝ Սեդա Ծաղիկեան-Տէմիրճեան), Միշիկըն, «Ռօյըլ Օք», 1994, էջ 30 — 536 (հատոր Ա), 780 (հատոր Բ) էջ։