Վաղարշակ Գալփակճյան

Վաղարշակ Գալփակճյան (1873, Ստամբուլ, Օսմանյան կայսրություն - 1923), հայ խմբագիր, հրապարակախոս։

Վաղարշակ Գալփակճյան
Ծնվել է	1873
Ծննդավայր	Ստամբուլ, Օսմանյան կայսրություն
Մահացել է	1923
Մասնագիտություն	հրապարակախոս և խմբագիր

Կենսագրություն

Ծնվել է Կ. Պոլսում, որտեղ ստացել է կրթությունը։ Գիտական մի շարք հոդվածներով աշխատակցել է Կ. Պոլսի մամուլին։ Համիդյան սարսափի օրերին աքսորվել է Անատոլու։ Սահմանադրությունից հետո վերադարձել է Պոլիս, դարձել «Բյուզանդիոն» թերթի գլխավոր աշխատակիցներից մեկը։ Եղել է «Ժամանակ» օրաթերթի արտոնատեր հրատարակիչը։ 1909 թվականին միաժամանակ խմբագրել է «Գարուն» պարբերականը։ Պատերազմից հետո 1919-1920 թվականներին Կ. Պոլսում խմբագրել է «Նոր այգ» թերթը, ապա մեկնել է Ֆրանսիա, բնակություն հաստատել Մարսելում, որտեղ էլ մահացել է։