Ստեփան Միրզոյան

Ստեփան Վահանի Միրզոյան (նոյեմբերի 8, 1945(1945-11-08), Երևան, Հայկական ԽՍՀ, ԽՍՀՄ - մայիսի 18, 2013(2013-05-18), Արարատի մարզի Այնթապ գյուղ), ԽՍՀՄ և ՀՀ ռազմական գործիչ, ՀՀ պաշտպանության նախարարին առընթեր բարձրագույն սպայական հանձնաժողովի նախագահ, գեներալ-լեյտենանտ։

Ստեփան Միրզոյան
Ծնվել է	նոյեմբերի 8, 1945(1945-11-08)
Ծննդավայր	Երևան, Հայկական ԽՍՀ, ԽՍՀՄ
Մահացել է	մայիսի 18, 2013(2013-05-18) (67 տարեկան)
Քաղաքացիություն	Հայաստան
Մասնագիտություն	սպա

Զինվորական ծառայությունը

• 1964 թ.-1966 թթ. - ծառայել է խորհրդային բանակում։
• 1968 թ. ավարտել է Բաքվի համազորային բարձրագույն ուսումնարանը։
• 1974 թ. Մոսկվայի Ֆրունզեի անվան ռազմական ակադեմիայի ունկնդիր էր,
• 1976-1979 թթ. - գնդի շտաբի պետ Միջնասիական զինվորական օկրուգում։
• 1979-1984 թթ. զբաղեցրել է մի շարք հրամանատարական պաշտոններ ԽՍՀՄ զինված ուժերում,
• 1984 թ. նշանակվել է Պանֆիլովյան դիվիզիայի շտաբի պետ և որպես ազգային դիվիզիայի հրամանատարի խորհրդատու՝ զինծառայության է գործուղվել Աֆղանստան։
• 1990 թ. անձնական խնդրանքով տեղափոխվել է Հայաստանի Հանրապետություն և նշանակվել է Հանրապետական զինկոմիսարիատում՝ որպես զորահավաքային բաժնի պետ-զինկոմի տեղակալ։
• Ակտիվ մասնակցություն է ունեցել նաև Արցախյան պատերազմին, նշանակալի է եղել նրա ներդրումը ՀՀ սահմանների ինքնապաշտպանության և հայոց նորաստեղծ բանակի կազմավորման և կայացման գործում։
• 1994-1997 թթ. - ՀՀ ՊՆ կադրերի վարչության պետ,
• 1997 թ. - 2000 թթ. - ՀՀ ՊՆ՝ 3-րդ բանակային կորպուսի հրամանատար։
• 2000-2007 թթ. - Վ.Սարգսյանի անվան ռազմական ինստիտուտի պետ։
• 2009-2013 թթ. - ՀՀ Հանրային խորհրդի պաշտպանության, ներքին գործերի և ազգային անվտանգության հարցերի հանձնաժողովի պաշտպանության հարցերի ենթահանձնաժողովի նախագահ։
• 2012-2013 թթ. - ՀՀ պաշտպանության նախարարին առընթեր բարձրագույն սպայական հանձնաժողովի նախագահ։

Պարգևներ

Պարգևատրվել է ԽՍՀՄ, ՀՀ և Աֆղանստանի պետական շքանշաններով ու բազմաթիվ գերատեսչական մեդալներով, ինչպես նաև պատվոգրերով, շնորահակալագրերով և թանկարժեք նվերներով, անվանական զենքով։

Ամուսնացած էր, ուներ 2 որդի։

Նախորդող Արշալույս Փայտյան

ՀՀ ՊՆ Վազգեն Սարգսյանի անվան ռազմական ինստիտուտի պետ Ստեփան Միրզոյան 2000-2007 թթ.

Հաջորդող Գարեգին Գաբրիելյան