Արշալույս Փայտյան
Արշալույս Զավենի Փայտյան (դեկտեմբերի 2, 1959[1], Նորաշեն, Շամշադինի շրջան, Հայկական ԽՍՀ, ԽՍՀՄ), ՀՀ ռազմական գործիչ, գեներալ-լեյտենանտ։
| Արշալույս Փայտյան | |
|---|---|
| դեկտեմբերի 2, 1959[1] (64 տարեկան) - | |
| Ծննդավայր | Նորաշեն, Շամշադինի շրջան, Հայկական ԽՍՀ, ԽՍՀՄ |
| Պարգևներ |   և  |
Կենսագրություն խմբագրել
Ծնվել է 1959 թվականի դեկտեմբերի 2-ին Շամշադինի շրջանի (այժմ՝ Տավուշի մարզի) Նորաշեն գյուղում։
- 1978-1980 - ծառայել է ԽՍՀՄ զինված ուժերում։
- 1987 - ավարտել է Կիրովականի (Վանաձորի) պետական մանկավարժական ինստիտուտը։
- 1993 թվականից - ՀՀ զինված ուժերում
- 1997 - ավարտել է ՌԴ ԶՈւ ԳՇ ռազմական ակադեմիան։ Զբաղեցրել է զորամասի հրամանատարի տեղակալի, հրամանատարի պաշտոններ։
- 1998 - ՀՀ պաշտպանության նախարարի հրամանով նշանակվել է ՀՀ ՊՆ ռազմական ինստիտուտի պետ, իսկ 2000 թվականին՝ ՀՀ նախագահի հրամանագրով՝ ՀՀ ՊՆ 3-րդ բանակային կորպուսի հրամանատար։
- 2001 - ՀՀ նախագահի հրամանագրով շնորհվել է «գեներալ-մայոր» զինվորական կոչում։
ՀՀ նախագահի հրամանագրով 2003 թվականին նշանակվել է ՀՀ ՊՆ 1-ին բանակային կորպուսի, իսկ 2005 թվականին՝ 4-րդ բանակային կորպուսի հրամանատար։ Ծառայողական անհրաժեշտությունից ելնելով ՀՀ նախագահի հրամանագրով 2006 թվականին նշանակվել է ՀՀ ԶՈւ Գլխավոր շտաբի պետի տեղակալ։
- 2009 թվականի սեպտեմբերի 17-ին ՀՀ Նախագահի հրամանագրով շնորհվել է գեներալ-լեյտենանտի զինվորական կոչում[2]։
2012 թվականի սեպտեմբերի 6-ին ՀՀ Նախագահի հրամանագրով գեներալ-լեյտենանտ Արշալույս Փայտյանն ազատվեց ՀՀ Զինված ուժերի գլխավոր շտաբի պետի տեղակալի պաշտոնից[3]։ Ազատման վերաբերյալ պաշտոնական որևէ պատճառաբանություն չներկայացվեց[4]։
Պարգևներ խմբագրել
Պարգևատրվել է՝
- «Վարդան Մամիկոնյան» շքանշան (2011)[5]
- «Մարտական խաչ» II աստիճանի շքանշան
- «Արիության», «Համագործակցության ամրապնդման համար» մեդալ
- «Գարեգին Նժդեհ» մեդալ
- «Հայրենիքին մատուցած ծառայությունների համար» 1-ին աստիճանի մեդալ
Ամուսնացած է, ունի 2 որդի։
Ծանոթագրություններ խմբագրել
- ↑ 1,0 1,1 1,2 http://am.hayazg.info/index.php?curid=13028
- ↑ Ա. Զ. Փայտյանին գեներալ-լեյտենանտի զինվորական կոչում շնորհելու մասին
- ↑ Գեներալ-լեյտենանտ Արշալույս Փայտյանին ՀՀ ԶՈՒ գլխավոր շտաբի պետի տեղակալի պաշտոնից ազատելու մասին
- ↑ «Փայտյանին ազատել են՝ բանակին գոմեշի բրիկետ մատակարարելու պատճառով». Արխիվացված է օրիգինալից 2012 թ․ հոկտեմբերի 24-ին. Վերցված է 2020 թ․ հոկտեմբերի 29-ին.
- ↑ Հայաստանի Հանրապետության շքանշաններով և մեդալներով պարգևատրելու մասին