Ֆուջիտի սանդղակ
Ֆուջիտի սանդղակ (անգլ.՝ Fujita scale), հայտնի է նաև որպես Ֆուջիտի-Պիրսոնի սանդղակ կամ F-սանդղակ, 1971 թվականին պրոֆեսոր Թեոդոր Ֆուջիտան ներկայացրած դասակարգման սանդղակը՝ Տորնադոների դասակարգման համար։ Սանդղակը բաղկացած է ուժգնության 6 աստիճանից՝ F0-ից F5։ Դրա հետ մեկտեղ F0 և F1–ի միջև ինտերվալը կազմում է 11 և 12 բալ ըստ Բոֆորտի սանդղակի։ F6 դասակարգը սանդղակում ներկայացված է տեսականորեն հնարավոր տորնադոների համար, անկախ նրանից թե ինչքան է տորնադոյում քամու արագությունը, նույնիսկ եթե այն անցնում է 512 կմ/ժ, իսկ գործնականում կիրառվող առավելագույն կարգը F5֊ն է[1]։ Ամանահաճախը հանդիպող տորնադոները F1 և F2 դասակարգի են, ավելի բարձր ուժգնության տորնադոներ լինում են հազվադեպ։ Տեսականորեն F6 կատեգորիայի տորնադոյի արագությունը հավասար է ձայնի արագությանը։ Առավել հզոր տորնադոյի քամու առավելագույն արագությունը դժվար է չափել՝ քանի որ դրա մոտակայքում ոչ մի օդերևութաբանական սարք չի կարող գոյատևել։
Կատեգորիա | Քամու արագությունը | Հաճախականություն | Բնութագրություն | ||
---|---|---|---|---|---|
մ/վրկ | կմ/ժ | ||||
F0 | 18—32,5 | 64—116 | 38,9 % | Մրրիկային։ Վնասում է տան ծխնելույզներն ու հեռուստատեսային աշտարակները, կոտրում է ծեր ծառերը (ինչպես նաև մակերեսային արմատներ ունեցող ծառերը), պոկում է ցուցանակները։ | |
F1 | 32,5—50 | 117—180 | 35,6 % | Չափավոր։ Պոկում է տների տանիքները, քանդում է շարժական տները, շրջում է ավտոմեքենաների կցորդները, տեղաշարժում է ավտոմեքենաները կամ դուրս հանում ճանապարհներից, որոշ ծառեր արմատախիլ է անում և քշում։ | |
F2 | 50—70 | 181—253 | 19,4 % | Նշանակալից. Պոկում է տների տանիքները ու ջարդում ապակիները, ավերում է շարժական և գյուղական շրջանների փայտե տնակները, արմատախիլ է անում և քշում խոշոր ծառերը, տեղաշարժում է բեռնատար վագոնները։ | |
F3 | 70—92,5 | 254—332 | 4,9 % | Ուժեղ. Պոկում է շենքերի տանիքները, ավերում ուղղահայաց պատերը, տեղաշարժում կամ շրջում է բեռնատար վագոններն ու ավտոմեքենաները, արմատախիլ է անում և պոկում ծառերի մեծ մասը, պոկում է անգարների մետաղական մասերը։ | |
F4 | 92,5—116,5 | 333—418 | 1,1 % | Ավերիչ։ Օդ է բարձրացնում թեթև տները, ամբողջովին պոկում է ամուր տների հիմքերը, մեծ հեռավորության վրա քշում է ավտոմեքենաները, նետում է գնացքները, վնասում է երկնաքերերը։ | |
F5 | 116,5—142,5 | 419—512 | 0,1 %-ից պակաս | Աղետաբեր. Հիմքից պոկում է ամուր տները և քշում հեռու տարածքներ, պոկում է ասֆալտը, ծանր մեքենաները տեղափոխում է ավելի քան 100 մետր, կործանում է երկնաքերերը։ |
Ծանոթագրություններ խմբագրել
- ↑ «Tornado FAQ Page List» (անգլերեն). Արխիվացված օրիգինալից 2012 թ․ մարտի 19-ին. Վերցված է 2018 թ․ հուլիսի 24-ին.
Արտաքին հղումներ խմբագրել
- Մեդիաֆայլեր Ֆուջիտի_սանդղակ թեմայով Վիքիպահեստում:
- Tornado Project Online The Fujita Scale (անգլ.)