Պասքալիս (հակապապ)
Պասքալիս (լատին․՝ Paschalis, 7-րդ դար - 692, Հռոմ), Հռոմի կաթոլիկ եկեղեցու հակապապ 687 թվականին (որոշ աղբյուրներում՝ 692 թ)։
| Պասքալիս | |
 | |
| Մասնագիտություն | քահանա |
|---|---|
| Ծնունդ | 7-րդ դար |
| Մահ | 692 Հռոմ |
Կենսագրություն խմբագրել
687 թվականի սեպտեմբերի 21-ին մահանում է Կոնոն պապը, և Պասքալիսն ու Թեոդորոսը դառնում են մրցակիցներ։ Նախքան վիճահարույց ընտրությունները Պասքալիսը եղել է սարկավագ։ Ըստ «Liber Pontificalis» տեղեկագրքի Պասքալիսի և Թեոդորոսի կողմնակիցները առգրավել էին Լաթերանի տարբեր մասերը և քանի որ չէին ուզում զիջել մեկը մյուսին, շրջապատված ու արգելափակված էին կայազորի կողմից։ Այդ ժամանակահատվածում կայազորի ներկայացուցիչները և հոգևորականների մեծամասնությունը հանդիպում են կայսերական պալատում և, ի վերջո, որպես Կոնոն պապի իրավահաջորդ ընտրում են Սանտա Սուսաննա եկեղեցու քահանա Սարգիս I-ին։ Այնուհետև վերջինիս բերում են Լաթերան և հարկադրում իրենց ներս թողնել։ Թեոդորոսն անմիջապես զիջում է և խոնարհվում Սարգիս I պապի առաջ[1]։
Պասքալիսը մնում է անդրդվելի, և մինչ ձևացնում է, թե ընդունում է Սարգիսին, պատգամաբերներ է ուղարկում Ռավեննայի էկզարխություն՝ խոստանալով ոսկով փոխհաատուցում ռազմական աջակցության դիմաց։ Յոհան II Պլատին եկսարքոսը ժամանում է և պահանջում ոսկին, ապա թալանում է հին Սուրբ Պետրոսի բազիլիկը։ Հեռանում է Սարգիս I պապի օծումից հետո (687 թվական, դեկտեմբերի 15)։ Նրան վճարում է նորընտիր պապը։ Պասքալիսը մեղադրվում է վհուկության համար և աքսորվում[2]։
Պասքալիսը մահացել է 692 թվականին։ Նա եղել է հակապապ ընդամենը մի քանի ամիս։ Այնուամենայնիվ նա չի հրաժարվել իր ծառայությունից և 687-692 թվականների պապականությունը կարելի է նաև վերագրել նրան։ Բայց և այնպես նրան չի կարելի լիիրավ պապ համարել, քանի որ նրա ձեռնադրումը լիարժեք չի եղել։
Տես նաև խմբագրել
Ծանոթագրություններ խմբագրել
- ↑ Raymond Davis (translator), The Book of Pontiffs (Liber Pontificalis), first edition (Liverpool: University Press, 1989), p. 83
- ↑ Ekonomou, Andrew J. Ekonomou, Byzantine Rome and the Greek Popes: Eastern influences on Rome and the papacy from Gregory the Great to Zacharias, A.D. 590–752 (New York: Lexington Books, 2007), p. 216
Գրականություն խմբագրել
- Philippe Levillain: Dictionnaire historique de la Papauté. Fayard, Paris 2003, ISBN 2-213-61857-7
- Bruno W. Häuptli: Paschalis. In: Biographisch-Bibliographisches Kirchenlexikon (BBKL). Band 24, Bautz, Nordhausen 2005, ISBN 3-88309-247-9, Sp. 1155–1157.
Արտաքին հղումներ խմբագրել
- http://monarchy.nm.ru/vatican/paschalis_antipope.html(չաշխատող հղում)