|
1993 թվականից Ավետիք Իսահակյանի ծննդյան տարելիցի առթիվ պարբերաբար կազմակերպվում են «Պատանի և երիտասարդ ստեղծագործողների և կատարողների» հանրապետական մրցույթ-փառատոներ։ 1995 թվականին Երքաղխորհրդի գործկոմի դեկտեմբերի 22-ի որոշմամբ միավորվել են մեծահասակներին (ԳԿ) և մանուկներին (ՄԳԿՀ) սպասարկող գրադարանների կենտրոնացված համակարգերը և Ավետիք Իսահակյանի անվան գրադարանը դարձել է միավորված համակարգի կենտրոնական գրադարան։ Տնօրեն է նշանակվել Հասմիկ Վարդգեսի Կարապետյանը։
1998 թվականին [[Երևանի քաղաքապետարան]]ի հոկտեմբերի 27-ի որոշմամբ գրադարանը դարձել է համայնքային գրադարանների համար մեթոդ-մատենագիտական համակարգող կենտրոն։ 2000 թվականին հրատարակվել է գրադարանում գործող «Բողբոջներ» գրական ստուդիայի սաների ստեղծագործությունների գրքույկը՝ «Առաջին ծիլեր» խորագրով։ 2001 թվականից գրադարանը դարձել է «Հայաստանի գրադարանների կոնսորցիում»-ի հիմնադիր անդամ։ 2002 թվականից այստեղ իրականացվում է «Ազգային գրադարանային շաբաթ» միջոցառումների շարքը։ 2002 թ.թվականին [[ՀՀ կառավարություն|ՀՀ կառավարության]] նոյեմբերի 28-ի որոշմամբ Ավետիք Իսահակյանի անվան գրադարանը վերակազմակերպվել է «Ավետիք Իսահակյանի անվան ԿԳ» ՊՈԱԿ-ի՝ իր 7 գրադարան-մասնաճյուղերով։
2004 թվականից գրադարանը դարձել է «Հայկական միացյալ գրադարանային ավտոմատացված ցանցի» ծրագրի մասնակից, 2005 թ.թվականի ապրիլին բացվել է Հայաստանում առաջին «Ամերիկյան անկյունը»` Հայաստանում ԱՄՆ դեսպանատան աջակցությամբ, որը հագեցված է տեղեկատվական ժամանակակից սարքավորումներով և պարբերաբար համալրվում է նոր գրականությամբ, ապահովված է էլեկտրոնային պարբերականների և այլ ռեսուրսների բաժանորդագրությամբ<ref>[http://yerevan.americancorners.am/am/about-us Երևանի ամերիկյան անկյուններ]</ref>։ 2005 թվականից գրադարանում գործում է մանկական թատերական ստուդիան։
2008 թվականի ապրիլին Հայաստանում գործող «Բրիտանական խորհրդի» աջակցությամբ կենտրոնական գրադարանում բացվել է «Բրիտանական կենտրոնը»։ 2009 թ.թվականին [[Երևանի քաղաքապետ]]ի 2009 թ.թվականի սեպտեմբերի 7-ի թիվ 8141-Ա որոշմամբ «Ավետիք Իսահակյանի անվան ԿԳ» ՊՈԱԿ-ը վերակազմակերպվել է «Ավետիք Իսահակյանի անվան ԿԳ» ՀՈԱԿ-ի՝ իր 7 մասնաճյուղերով։
2010 թ.թվականին Գրադարանի Բաղրամյան-20 հասցեում գործող մասնաճյուղում բացվել է «Ասիական կենտրոնը»՝ Հայաստանում [[Հնդկաստան]]ի, [[Չինաստան]]ի, [[Լիբանան]]ի և [[Ղազախստան]]ի դեսպանատների աջակցությամբ։ 2010 թ.թվականին հրատարակվել է գրադարանում գործող «Բողբոջներ» գրական ստուդիայի սաների ստեղծագործությունների երրորդ գրքույկը՝ «Առաջին ծիլեր» խորագրով։
2013 թ.թվականի հունվարից «Ավետիք Իսահակյանի անվան ԿԳ» ՀՈԱԿ-ի մասնաճյուղերում գործարկվում է էլեկտրոնային գրացուցակների "ALEPH" ծրագիրը։ Ընթերցողները կարող են օգտվել «Ոսկե շղթա 1», «Ոսկե շղթա 2» և «Ոսկե շղթա 3» թվային գրականության բազաներից։ Տեսողական խնդիրներ ունեցող ընթերցողների համար տեղակայված է նաև «Արև» ծրագիրը։
2014թ.-ի2014 թվականի մարտին Երևանի քաղաքապետարանի և Ֆրանկոֆոնիայի միջազգային կազմակերպության համագործակցության շնորհիվ Կենտրոնական գրադարանում բացվեց «Ֆրանկոֆոնիայի կենտրոն» բաժինը, որը հագեցած է տեղեկատվական ժամանակակից սարքավորումներով, ֆրանսերեն մեծարժեք գրականությամբ և էլեկտրոնային այլ բազաներով։
2016թ.2016 թվականի ապրիլի 6-ին, ՀՀ կառավարության 1998թ1998 թվականի փետրվարի 26-ի №116 որոշմամբ սահմանված կարգով՝ արտադրանքի և ծառայությունների որակի բարձրացումը խթանելու, դրանց որակի կառավարման արդյունավետ մեթոդների ներդրմանն աջակցելու նպատակով՝ ՀՀ կառավարության № 355-Ա որոշման համաձայն «Ավետիք Իսահակայանի անվան ԿԳ» ՀՈԱԿ-ը արժանացավ դիպլոմի և մրցանակի։
2017թ.2017 թվականին ավարտվել են «Ավ. Իսահակյանի անվան ԿԳ» ՀՈԱԿ-ի բոլոր գրադարան-մասնաճյուղերում ֆոնդերի ավտոմատացված գրացուցակների ստեղծման աշխատանքները։
2018. թվականին սկսվել են ընթերցողների էլեկտրոնային սպասարկումը և գրադարանային գործընթացների ավտոմատացումը ՀՈԱԿ-ի բոլոր գրադարան-մասնաճյուղերում։
== Բաժիններ ==
| 