Ռոմա Ալավերդյանը ծնվել է 1956 թվականի մայիսի 14-ին Ադրբեջանի [[Դաշքեսանի շրջան]]ի [[Փիփ|Զագլիկ]] գյուղում, մանկավարժի ընտանիքում։ 1973 թվականին ավարտել է տեղի միջնակարգ դպրոցը և նույն ուս. տարում ընդունվել [[Երևանի պետական համալսարան]]ի ֆիզիկայի ֆակուլտետը, 1978 թվականին՝ ավարտել այն և նույն թվականից աշխատանքի անցել [[ԵՊՀ ֆիզիկայի ֆակուլտետ]]ի [[օպտիկա]]յի ամբիոնում, որտեղ աշխատում է մինչ այսօր։ 1978 թվականին պաշտպանել է ավարտական թեզը և ստացել ֆիզիկոսի որակավորում, 1978-1979 թվականներին եղել է ԵՊՀ ֆիզիկայի ֆակուլտետի օպտիկայի ամբիոնի ավագ լաբորանտ։ 1982-1986 թվականներին սովորել է ԵՊՀ ֆիզիկայի ֆակուլտետի ասպիրանտուրայում, որի ընթացքում իրականացրել է մի շարք հիմնարար հետազոտություններ՝ լազերային ֆիզիկայի և օպտիկայի բնագավառներում<ref>Կենսագրական հանրագիտարան, Ե., ԵՊՀ հրատ., 2009, էջ 65-66</ref>։ Ավարտելով ասպիրանտուրան՝ հաջողությամբ պաշտպանում է «Ոչ գծային ալիքային փոխազդեցություներ և անկայունություններ անհամասեռ անիզոտրոպ միջավայրերում» թեմայով իր [[ատենախոսություն]]ը, որի համար ԽՍՀՄ ԲՈՀ-ը 1987 թվականին Ռ. Ալավերդյանին շնորհում է ֆիզիկա-մաթեմատիկական [[գիտությունների թեկնածու]]ի կոչումը։ 1979-1986 թվականներից Ալավերդյանը աշխատել է ֆիզիկայի ֆակուլտետում որպես [[ինժեներ]]։ 1986-1993 թվականներին՝ գիտաշխատող, 1993-2000 թվականներին՝ ասիստենտ, 2000-2009 թվականներին՝ դոցենտ, 2009 թվականից՝ պրոֆեսոր<ref>[http://ysu.am/science/hy/Roman-Allahverdyan Ռոման Բախշիի Ալավերդյան]</ref>։ «Armenian Journal of Physics» ամսագրի խմբագրական կոլեգիայի անդամ է։ Ամուսնացած է, ունի երկու երեխա, աղջիկը՝ Գոհար Ալավերդյան, տղան՝ [[Կարեն Ալավերդյան]]։ Կարեն Ալավերդյանը, աշխատել է ԵՊՀ ֆիզիկայի ֆակուլտետի օպտիկայի ամբիոնում և համատեղության կարգով շարունակել է ուսումն ու գիտական հետազոտությունները [[Կանադա]]յի [[Լավալի համալսարան]]ում, այժմ իր գիտական գործունեությունը շարունակում է Կանադայի Լավալի Համալսարանում։ ԵՊՀ-ի հարյուրամյակի կապակցությամբ պարգևատրվել է «Ոսկե մեդալ» մրցանակով, համալսարանական կրթության զարգացման գործում ունեցած նշանակալի ավանդի համար։
