«Ֆինանսական ռեսուրսներ»–ի խմբագրումների տարբերություն
Նոր էջ «'''Ֆինանսական ռեսուրսներ''', բոլոր դրամական միջոցների ամբողջությունն է, որոնք անհրաժեշտ ակտիվների...»: |
(Տարբերություն չկա)
|
10:00, 14 Հունիսի 2021-ի տարբերակ
Ֆինանսական ռեսուրսներ, բոլոր դրամական միջոցների ամբողջությունն է, որոնք անհրաժեշտ ակտիվների ձևավորման համար պետության, ձեռնարկությունների, կազմակերպությունների, հաստատությունների տրամադրության տակ են` ամբողջ գործունեությունն իրականացնելու համար, եկամտի, խնայողությունների, կապիտալի և տարբեր տեսակի մուտքերի հաշվին: Բանկային ռեսուրսները ֆինանսական ռեսուրսների կարևոր բաղադրիչ են:
Ֆինանսական ռեսուրսները նախատեսված են.
- բյուջեի, բանկերի, ապահովագրական կազմակերպությունների, նյութերի և ապրանքների մատակարարների նկատմամբ ֆինանսական պարտավորություններ կատարելու համար,
- արտադրության ընդլայնման, վերակառուցման և արդիականացման, նոր հիմնական միջոցների ձեռքբերման ծախսերի իրականացման համար
- ձեռնարկությունների աշխատողների աշխատավարձերի և նյութական խրախուսանքների համար,
- այլ ծախսերի ֆինանսավորմն համար:
Ֆինանսական ռեսուրսները բաժնվում են 2 խմբի.
- կենտրոնացված միջոցներ (պետական բյուջե, արտաբյուջետային միջոցներ),
- ապակենտրոնացված ֆինանսական ռեսուրսներ (կորպորատիվ ֆոնդեր):
Կան նաև պետության, մարզերի և ձեռնարկությունների ֆինանսական ռեսուրսներ:
Մակրոմակարդակում կենտրոնացված ֆոնդերի ձևավորման հիմնական աղբյուրը ազգային եկամուտն է: Ազգային եկամտի բաշխման և վերաբաշխման հիման վրա ձևավորվում են կենտրոնացված ֆոնդեր: Ազգային եկամտի մի մասը ձևավորվում և մնում է ձեռնարկությունների տրամադրության տակ, այսինքն՝ միկրոմակարդակում ստեղծվում են ապակենտրոնացված ֆինանսական ռեսուրսներ, որոնք օգտագործվում են արտադրական ծախսերի համար:
Ձեռնարկության ֆինանսական ռեսուրսների հիմնական աղբյուրը արտադրական գործունեությունից ստացված շահույթն է:
Ֆինանսական ռեսուրսների օգտագործումը հիմնականում իրականացվում է հատուկ նշանակության դրամական միջոցների միջոցով, չնայած հնարավոր է նաև միջոցներն օգտագործել նաև ոչ ֆոնդային ձևով[1]:
Պետության և ձեռնարկությունների ֆինանսական ռեսուրսները ֆինանսական կառավարման անմիջական օբյեկտներ են, այսինքն՝ դրանց ձևավորման, օգտագործման և դրամական միջոցների հոսքի կառավարման:
Բավարար ֆինանսական ռեսուրսների առկայությունը, դրանց արդյունավետ օգտագործումը կանխորոշում են ձեռնարկության լավ ֆինանսական դիրքը, վճարունակությունը, ֆինանսական կայունությունը, իրացվելիությունը: Այս առումով ձեռնարկությունների ամենակարևոր խնդիրն է գտնել պաահուստային միջոցներ` իրենց սեփական ֆինանսական ռեսուրսների ավելացման և դրանց առավել արդյունավետ օգտագործման համար` ընդհանուր առմամբ ձեռնարկության արդյունավետությունը բարելավելու համար:
Գրականություն
- А. Ф. Черненко, Н. Н. Илышева, А. В. Башарина. Финансовое положение и эффективность использования ресурсов предприятия. М.: Юнити-Дана, 2013. ISBN 978-5-238-01610-8
Ծանոթագրություններ
- ↑ А. Ф. Черненко, Н. Н. Илышева, А. В. Башарина. Финансовое положение и эффективность использования ресурсов предприятия. М.: Юнити-Дана, 2009. ISBN 978-5-238-01610-8