«Հռենոսյան միություն»–ի խմբագրումների տարբերություն

'''Հռենոսյան միություն''' ({{lang-de|Rheinbund}}, {{lang-fr|Confederation du Rhin}}) - Նապոլեոն I-ի հովանավորությամբ ստեղծված մի շարք գերմանական պետությունների միավորում։ Ստեղծվել է Ֆրանսիայի և հարավային ու արևմտյան [[Գերմանիա]]յի 16 պետությունների միջև կնքված ([[1806]] թվականի [[հուլիսի 12]]-ին Փարիզում) պայմանագրի համաձայն։ Հռենոսյան միության անդամ-պետությունները դուրս էին գալիս «[[Հռոմ]]եական սրբազան կայսրությունից» և ռազմական դաշինք կնքում [[Ֆրանսիա]]յի հետ՝ այդպիսով դառնալով նրա վասսալները։ Մինչև [[1811]] թվականը Հռենոսյան միությանը կազմի մեջ մտան արևմտյան, միջին և [[հյուսիս]]ային Գերմանիայի ևս 20 պետություններ։ Անդամ-պետությունների մեծ մասում գործում էր [[Նապոլեոն]]ի քաղաքացիական օրենսգիրքը։ Հռենոսյան միությունը, որը Նապոլեոնն օգտագործեց ֆրանսիական տիրապետությունը Գերմանիայում ամրապնդելու համար, [[Լայպցիգ]]յան ճակատամարտում ([[1813]] թվական) նապոլեոնյան բանակի պարտությունից հետո կազմալուծվեց։