«Կապան (բերդաքաղաք)»–ի խմբագրումների տարբերություն

'''Կապան''', բերդաքաղաք [[Մեծ Հայք]]ի [[Սյունիք]] նահանգի [[Զորք]] գավառում, Կապան (այժմ ՝ [[Ողջի]]) գետի ձախ ափին, բլրի վրա։ Հարավից պաշտպանված է Արևիքի լեռներով, հյուսիսից՝ Կապանի կիրճով, արևմուտքից և հյուսիս-արևմուտքից՝ [[Բաղաբերդ]] և [[Բաղակու քար]] բերդերով, արևելքից՝ ամրակուռ պարիսպներով։ [[V դար]]ում հիշատակվում է որպես [[գյուղ]]։ Արագ զարգացող Կապանը [[IX դար]]ի վերջին և [[X դար]]ի սկզբին վերակառուցել ու պարսպապատել է Ջվանշիր Սիսակյանի որդին՝ Ձագիկ Գ իշխանը։ X դարի վերջից դարձել է Սյունիքի[[Սյունիք]]ի իշխանանիստը, ապա՝ թագավորության մայրաքաղաքը։ [[1103]] թվականին սելջուկյան թուրքերը՝ Չորթմանի առաջնորդությամբ, համառ կռիվներից հետո, թափանցել են քաղաքի պարսպից ներս, սակայն, հազարավոր սպանվածներ թողնելով միջնաբերդի մոտ, ավերել են քաղաքը և նահանջել։ Հետագայում, աստիճանաբար լքվելով բնակիչներից, անշուքացել և դարձել է ավերակ։ Կապան անունը ժողովրդի մեջ հարատևել է նաև [[Ղափան]] ձևով։