'''Մոսկվայի պետական համալսարանի իրավաբանական ֆակուլտետ''' (Юридический факультет Московского государственного университета им. М. В. Ломоносова), [[Միխայիլ Լոմոնոսով]]ի նախաձեռնությամբ և [[Ռուսաստան]]ի կայսրուհի [[Ելիզավետա Պետրովնա]]յի հաստատմամբ Մոսկվայի Համալսարանում [[1755]] թվականին հիմնադրված երեք առաջին ֆակուլտետներից մեկը։ Համաձայն «Մոսկվայի համալսարանի հիմնադրման նախագծի» («Проект об учреждении Московского университета») ֆակուլտետը կազմված էր ամբիոննում աշխատող երեք իսկական պրոֆեսորներից, այդ ամբիոններն էին. համընդհանուր իրավաբանության (բնական, ժողովրդական և [[հռոմեական իրավունք]]ի), ռուսական իրավաբանության (ներքին պետական իրավունքի) և քաղաքագիտության ([[միջազգային իրավունք]]ի)։ Այդպիսով, Լոմոնոսովի անվան ՄՊՀ իրավաբանական ֆակուլտետը իրավաբաններ և իրավունքի ոլորտում մասնագետներ պատրաստող հնագույն կրթական հաստատությունն է [[Ռուսաստան]]ում։ ՄՊՀ իրավաբանական ֆակուլտետը ներկայումս հանդիսանում է որպես [[Ռուսաստան]]ի գիտաիրավական կենտրոն, կենտրոնացնում է Ռուսաստանի գիտական պոտենցիալը։ Մտնում է երկրի բուհերի այդպես կոչված «[[Մեծ եռյակ]]ի» մեջ։
