«Բարոյականություն»–ի խմբագրումների տարբերություն

 

== Տարբերությունն այլ մասսայական գործունեության մեթոդներից ==

 

Ընդունված կարգի ուժով պահպանվող ''հասարակ սովորույթից կամ ավանդույթից'' դրանք տարբերվում են նրանով, որ ստանում են գաղափարական հիմնավորում այն պատկերացման ձևով, թե ինչպես է պատշաճ մարդուն ապրել ու վարվել։

 

== Անհատի բարոյական գիտակցություն ==

Հասարակական [[գիտակցություն]]ից բացի բարոյականության մեջ պակաս դեր չի խաղում անհատական գիտակցությունը։ Հիմնվելով հասարակության կողմից մշակված բարոյական պատկերացումների վրա, յուրացնելով դրանք [[դաստիարակություն|դաստիարակության պրոցեսում]]՝ անհատը կարող է զգալիորեն ինքնուրույն կերպով կարգավորել իր վարքը և դատել իր շուրջը տեղի ունեցող ամեն ինչի բարոյականության մասին։ Դրա շնորհիվ բարոյականության մեջ նա հանդես է գալիս ոչ միայն որպես սոցիալական վերահսկողության օբյեկտ, այլև որպես նրա գիտակից [[սուբյեկտ]], այսինք՝ որպես բարոյական [[անհատ]], [[անձնավորություն]]։ Լինելով հասարակական բարդ գոյացություն, բարոյականությունը ներառում է բարոյական գործունեությունը նրա բովանդակության և պատճառաբանման տեսանկյունից (այն, թե ինչպես է ընդունված վարվել այս կամ այն հասարակության մեջ, շատ մարդկանց վարքը, բարքերը), այդ գործունեությունը կարգավորող բարոյական հարաբերությունները, որ դրսևորվում են պիտոյականության, մարդուն ներկայացնող պահանջների զանազան ձևերով (բարոյական նորմա, [[պարտք]], [[պատասխանատվություն]], [[արժանապատվություն]], [[խիղճ]]), այն բարոյական գիտակցությունը, որ արտացոլում է այդ հարաբերությունները համապատասխան պատկերացումների ձևով (նորմաներ, սկզբունքներ, հասարակական և բարոյական [[իդեալ]]ներ, [[բարի և չար]], [[արդարություն|արդարություն և անարդարություն]] հասկացություններ)։