|
'''Կոստանդին Խուդավերդյան''' Սուրենի ([[հունվարի 9]], [[1929]], [[Երևան]] - [[1999]]<ref name=lurer>{{cite web|url=http://www.idref.fr/13135163X |title=Կոստանդին Խուդավերդյան |date= |accessdate=2013 նոյեմբերի 8}}</ref>), հայ պատմաբան։ Պատմական գիտությունների դոկտոր (1967), պրոֆեսոր (1974)։
== Կենսագրություն ==
1946 թվականին ավարտել է Երևանի Ձերժինսկու անվան միջնակարգ դպրոցը, իսկ [[1951]] թվականին`թվականին՝ [[Երևանի պետական համալսարան]]ի պատմության ֆակուլտետը։ 1956 թվականի աշխատել է ՀՀ ԳԱԱ Պատմության ինստիտուտում: 1959 թվականին նա պաշտպանել է թեկնածուական, իսկ 1967 թվականին`թվականին՝ դոկտորական ատենախոսություն: 1974 թվականին ստացել է պրոֆեսորի կոչում: [[1974]] թ.-ից՝ ՀՍՍՀ ԳԱ պատմության ինստիտուտիի զարգացած սոցիալիզմի պատմության բաժնի վարիչն է։ [[1964]] թ.-ից դասավանդել է Երևանի բուհերում։ 1988 թվականից մինչև իր կյանքի վերջը [[Հայկական Հանրագիտարան]]ի գլխավոր խմբագիրն էր:
== Աշխատություններ ==
Կոստանդին Խուդավերդյանը ավելի քան 120 աշխատությունների հեղինակ է, որից 20-ը մենագրություններ`մենագրություններ՝ տպագրված [[Երևան]]ում, [[Մոսկվա]]յում, [[Տալլին]]ում և այլուր: Աշխատությունները հիմնականում վերաբերում են սովետահայ մշակույթի, զարգացած սոցիալիստական հասարակարգի պատմության, պատմագրության հարցերին։ «Հայ ժողովրդի պատմության» (հ. 7, 1967, հ. 8, 1970) հատորների հեղինակներից է և խմբագրության անդամ, ՍՍՀՄ ԳԱ «Սոցիալիստական և կոմունիստական շինարարության պատմության» և «Համաշխարհային մշակույթի պատմության» գիտությունների պրոբլեմային խորհուրդների անդամ։
Կոստանդին Խուդավերդյանի ուսումնասիրությունների զգալի մասը նվիրված է հայ մշակույթի զարգացման հարցերին: Նա հիմնավորել է հայկական մշակույթի զարգացման հիմնական փուլերը, տվել պարբերացումը`պարբերացումը՝ հատուկ ուշադրություն դարձնելով ազգային մշակույթի առանձնահատկություններին: Նա գրել է «Կուլտուրական հեղափոխության կենսագործումը Հայաստանում» մեծածավալ աշխատությունը: Նա «Հայ ժողովրդի պատմության» 7 և 8-րդ հատորների, «Հայ ժողովրդի պատմությունը հնագույն ժամանակներից մինչև մեր օրերը» մեկհատորյակի, «Հայ ժողովրդի պատմություն» դպրոցական դասագրքերի հիմնական հեղինակներից էր:
Նրա հետազոտությունների արդյունքները բազմիցս ներկայացվել են համամիութենական և միջազգային գիտաժողովներում, իսկ [[Լեռնային Ղարաբաղ]]ի հիմնախնդրին նվիրված զեկուցումներով հանդես է եկել Մոսկվայում, [[Անգլիա]]յում, [[ԱՄՆ]]-ում, [[Շվեյցարիա]]յում և այլուր:
|
