«Տավարի միս»–ի խմբագրումների տարբերություն

'''Տավարի միս''', [[Կով|վայրի ցլերի ենթատեսակների]] [[միս|մսի]] [[Գյուղատնտեսություն|գյուղատնտեսական]] և [[Խոհարարություն|խոհարար]]ական դասակարգում։ Մսամթերքի որակը կարող է կախված լինել անասունի հասակից, ցեղից և բտվածության աստիճանից։ Համարվում է բարձրարժեք սննդամթերք [[մարդ]]ու համար, պարունակում է [[սպիտակուց]]ներ, [[ճարպ]]եր, [[ածխաջրեր]], հանքանյութեր, ինչպես նաև [[Վիտամին A|A]], [[Վիտամին B|B]] և [[Վիտամին D|D]] վիտամիններ։ Տավարամսի հիմնական [[Մթերքի էներգետիկ արժեք|սննդային արժեքը]] կախված է դրանում պարունակվող լիարժեք սպիտակուցներից և ճարպերից, որոնք գտնվում են մկանային և ճարպային հյուսվածքներում։

 

 

Տարբեր ցեղերի կենդանիների մսային մթերատվությունը պայմանավորված է դրանց մորՖոլոգիական (ձևաբանական) և ֆիզիոլոգիական առանձնահատկություններով, որոնք ձևավորվում և զարգանում են կենդանիների աճեցման ընթացքում ժառանգականության, կերակրման և պահվածքի ազդեցության ներքո։ Մսային մթերատվությունը բնութագրվում է որոշակի ժամանակահատվածում կենդանու սպանդից ստացված մսեղիքի ինչպես քանակական, այնպես էլ որակական ցուցանիշներով։