'''Սան Պաուլու''' (Sao Paulo), նահանգ [[Բրազիլիա]]յի հարավ-արևելքում։ Տարածությունը 247,3 հազար կմ² է, բնակչությունը 24,0 միլիոն ([[1980]])։ Վարչական կենտրոնը՝ [[Սան Պաուլու։Պաուլո]]։ Գտնվում է Բրազիլական սարահարթի հարավ-արևելքում։ Երկրի տնտեսապես ամենազարգացած նահանգն է (արդ. արտադրանքի ավելի քան 50%-ը և արտադրված էլեկտրաէներգիայի մոտ 1/3-ը բաժին է ընկնում Սան Պաուլուին)։ Հիմնական ճյուղերն են [[մեքենաշինություն]]ը (երկրում արտադրվող ավտոմոբիլների ավելի քան 4/5-ը), [[մետալուրգիա]]ն, [[թաղանթանյութ]]ի, [[թուղթ|թղթի]], [[ցեմենտ]]ի, [[տեքստիլ]], [[քիմիա]]կան, [[դեղագործ]]ական, սննդի արդյունաբերությունը։ Սան Պաուլուն տալիս է երկրի գյուղատնտեսական արտադրանքի ավելի քան 40%-ը։ Գերիշխում է խոշոր հողատիրությունը։ Զբաղվում են [[սուրճ]]ի, [[շաքարեղեգն]]ի, [[բամբակ]]ենու, [[եգիպտացորեն]]ի, [[մանիոկ]]ի, [[ցիտրուս]]ների մշակությամբ, անասնապահությամբ, ափամերձ շրջաններում՝ ձկնորսությամբ։ Հիմնական նավահանգիստը [[Սանտուս]]ն է։
