«Ճեմարան»–ի խմբագրումների տարբերություն

'''Ճեմարան''', սկզբնապես ակադեմիա բառի հայերեն համարժեքը։ Այդ անվամբ կոչվել են նաև որոշ բարձր տիպի դպրոցներ, ուսումնագիտական կենտրոններ։

Հին [[Հունաստան]]ում ակադեմիա էր կոչվում Պլատոնի հիմնած փիլիսոփայական դպրոցը Աթենքի մոտ, դիցաբանական հերոս Ակադեմոսի անունը կրող պարտեզում։ Հետագայում նրա աշակերտ Արիստոտելը իր հիմնած դպրոցում դասախոսություններ էր կարդում՝ աշակերտների հետ ճեմելով։ Այստեղից և ճեմարան անվանումը։ Հայ դպրոցի պատմության մեջ ճեմարան են անվանել [[Գրիգոր Մագիստրոս]]ի արտաքին ու ներքին գիտություններ ուսուցանող դպրոցները [[Անի]]ում, [[Բջնի]]ում, [[Սանահին]]ում ([[11-րդ դար]]ում)։ Ճեմարան է կոչվել նաև [[Ղրիմ]]ի [[Սուրբ Խաչ վանք (Ղրիմ)|Սուրբ խաչ վանքի]] դպրոցը (XIV-XVII-րդ դարերում), ավելի ուշ մի շարք խոշոր կրթական կենտրոններ՝ [[Մոսկվա]]յի [[Լազարյան ճեմարան (Մոսկվա)|Լազարյան ճեմարան]]ը ([[1814]]-[[1918]]), Կ․ Պոլսի [[Սկյուտարի ճեմարան]]ը ([[1838]] թվականից), [[Գևորգյան Հոգևոր Ճեմարան (Էջմիածին)|Էջմիածնի Գևորգյան ճեմարանը]] ([[1874]]-[[1917]]), Այնթապի Կիլիկյան ճեմարանը ([[1912]]-[[1915]]), [[Մարաշի ճեմարան]]ը ([[1891]]-[[1915]]) և այլն։ Այժմ ճեմարանի անվան տակ գործում են Էջմիածնի հոգևոր ճեմարանը ([[1945]] թվականից), Սոֆիայի հայ գաղութի Մեսրոպյան ճեմարանը ([[1921]] թվականից), Բեյրութի Նշան-Փալանջյան ճեմարանը ([[1929]] թվականից), [[Կիլիկյան ճեմարան (Սիրիա)|Հալեպի Կիլիկյան ճեմարանը]] ([[1960]] թվականից) և այլն։