Հյուսիս-կովկասյան խոզ

Հյուսիս-կովկասյան խոզ, մսաճարպատու ցեղ: Բուծվել է Հյուսիսային Կովկասի շրջաններում բարդ վերարտադրական տրամախաչման մեթոդով՝ Կուբանի տեղական խոզերը բարելավելով խոշոր սպիտակ, բերկշիր և կարճականջ սպիտակ ցեղերով: Հաստատվել է 1955-ին: Մարմնակազմվածքն ամուր է:Երանգը՝սևխայտաբղետ:Վարազներիկենդանի զանգվածը՝ 300-350, իսկ մերուններինը 220-240 կգ է: Պտղատվությունը՝ 10-11 խոճկոր մեկ ծնում: Վաղահաս է: 1 կգ քաշաճի համար ծախսվում է 4-4,2 կերային միավոր: Մպանդային ելքը՝ 70-75%: Տոհմային խոզերը բուծվում են Ռոստովի, Վոլգոգրադի մարզերում, Կրասնոդարի, Ատավրոպոլի երկրամասերում, ինչպես նաև Միջին Ասիայում և Անդրկովկասում:

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից։