«Սովխոզ»–ի խմբագրումների տարբերություն

'''Սովխոզ''', նաև՝ '''սովտնտեսություն''', '''խորհտնտեսություն''' ([[ռուսերեն]] '''совхоз''' բառից, որը 'советское хозяйство' բառակապակցության հապավումն է, թարգմանությամբ՝ «սովետական տնտեսություն») ― պետական խորհրդային գյուղական տնտեսություն։ Ի տարբերություն [[կոլխոզ]]ների անդամ գյուղացիներին, որոնք վարձատրվում էին ըստ [[աշխօր]]երի, սովխոզների աշխատողները ստանում էին ֆիքսված աշխատավարձ, [[ԽՍՀՄ]] [[պետական բյուջե]]ից։ Բացի այդ, սովխոզի աշխատողները նաև իրավունք ունեին մշակել սեփական [[տնամերձ հողամաս]]երը՝ անձնական եկամտի համար։ Սովխոզները սկզբում ստեղծվել էին նախկին օրինական սեփականատերերից բռնագրավված հողամասերի վրա, ապա, [[1929]]-ից սկսյալ, գյուղտնտեսության համատարած [[կոլեկտիվացում|կոլեկտիվացմանը]] զարկ տալուց հետո, սովխոզների թիվը զգալիորեն աճեց։ Սովխոզների քանակի բազմապատկումը կրկնվեց 1950-ականների ընթացքում, երբ բազմաթիվ կոլխոզներ վերածվեցին սովխոզների։ [[Խոպան հողերի հերկում|Խոպան հողերի հերկման]] լայնածավալ քաղաքականությունը, որին ընթացք տրվեց [[1953]]-ին, հիմնականում ուղեկցվում էր սովխոզների ստեղծման սկզբունքով։

 

Խորհրդային Միության փլուզումից հետո սովխոզները հիմնականում վերացան, վերածվելով [[բաժնետիրական ընկերություններ]]ի կամ անցնելով առանձին սեփականատերերի ձեռքը, թեև [[Ռուսաստանում]] պահպանվել են որոշ գյուղական տնտեսություններ (նախկին սովխոզներ), որոնք շարունակում են գործել որպես պետական ձեռնարկություններ։

 

[[Կատեգորիա:Գյուղատնտեսություն]]

[[Կատեգորիա:Խորհրդային Միություն]]