«Երիտասարդական պալատ»–ի խմբագրումների տարբերություն

[[ԽՍՀՄ]] հիմնադրման 50-ամյակի առթիվ խորհրդային իշխանությունները որոշել են բոլոր հանրապետությունների մայրաքաղաքներում երիտասարդական պալատներ կառուցել։ Նախատեսվում էր [[Երևան]]ում պալատը կառուցել բարձրադիր՝ բոլոր կողմերից տեսանելի տեղում։ Ընտրվեց [[Քանաքեռ]]ի բարձունքը՝ [[Աբովյան փողոց (Երևան)|Աբովյան փողոց]]ի վերջում, որտեղ ավարտվում է [[Ալեքսանդր Թամանյան]]ի գլխավոր պլանի հյուսիսային հատվածը։ Կառույցի գումարները հատկացվում էին [[Մոսկվա]]յից։ Պալատի կառուցման նպատակն էր, որպեսզի տարբեր հանրապետություններից ժամանած երիտասարդները հանդիպեին այնտեղ, շփվեին, սիմպոզիումներ, փառատոներ կազմակերպեին, զբաղվեին սպորտով և այդ ողջ ընթացքում բնակվեին շենքի տարածքում գործող հյուրանոցում։ 1970-ական թվականների կեսերին [[Հայաստան]]ի Կոմերիտմիության ղեկավար [[Ստեփան Պողոսյան]]ը առաջարկել էր ճարտարապետներ [[Հրաչյա Պողոսյան]]ին, [[Արթուր Թարխանյան]]ին և [[Սպարտակ Խաչիկյան]]ին զբաղվել այդ նախագծով։ Շենքի կառուցման վայրի համար կար մի քանի տարբերակ ևս՝ [[ՀՀ Ազգային Ժողով|Ազգային ժողով]]ի ետնամասում գտնվող տարածքը, [[Պասկևիչի բլուր]]ը և այլն։ Ի վերջո, ինչպես նշվեց, այն կառուցվեց [[Աբովյան պուրակ (Երևան)|Աբովյան պուրակին]] կից<ref>{{Cite news |date=2016 թ․ հունվարի 17 |title=Երիտասարդական պալատ՝ (ան)կենդանի պատմություն |url=https://mediamax.am/am/news/yerevan-XX-century/5864/ |publisher=mediamax.am}}</ref>։▼