Սուրեն Նշանյան
Սուրեն Նշանյան (1882 - սեպտեմբերի 5, 1915, Կեսարիա, Թուրքիա), բժիշկ։
Ծնվել է | 1882 |
---|---|
Ծննդավայր | Անկարայի նահանգ |
Մահացել է | 1915 թվականի սեպտեմբերի 5-ին |
Մահվան վայր | Կեսարիա |
Ազգություն | հայ |
Կրթություն | Բեյրութի Սեն Ժոզեֆ Ֆրանսիական համալսարանի բժշկական ֆակուլտետ |
Մասնագիտություն | Բժիշկ |
Կենսագրություն խմբագրել
Ծնվել է 1882 թվականին, Անկարայի նահանգի Կեսարիայի գավառի Կերմիր գյուղում։ Նախնական կրթությունն ստացել է Կեսարիայի ազգային վարժարանում, միջնակարգը՝ Կեսարիայի Սուրբ Կարապետի վանքում։ 1907 թվականին ավարտել է Բեյրութի Սեն Ժոզեֆ Ֆրանսիական համալսարանի բժշկական ֆակուլտետը։ 1909-1911 թվականներին օգնական վիրաբույժ է աշխատել Կ. Պոլսի սուրբ Փրկիչ հայոց ազգային հիվանդանոցում։ 1911 թվականից հետո ևս շարունակել է բժիշկ աշխատել։ Աշխատակցել է հայկական մամուլին, հրապարակային բժշկական դասախոսություններ կարդացել։ Եղել է ՀՅԴ գործիչ։ 1914 թվականին, Առաջին համաշխարհային պատերազմի ժամանակ զորակոչվել է օսմանյան բանակ և Անկարայում զինվորական բժիշկ ծառայել։ 1915 թվականի ապրիլին, Անկարայում, ծառայության ընթացքում ծանրորեն հիվանդացել է և անտանելի հոդացավերի պատճառով գամվել հիվանդանոցային մահճակալին։ Զեղծարարության զրպարտանքով, Անկարայում, ծանր հիվանդ վիճակում ձերբակալվել է Իթթիհադի ղեկավարներից դոկտոր Բեհաէդդին Շաքիրի կազմած 58 ականավոր հայ բժիշկների ցուցակով։ 1915 թվականին Անկարայից ծանր հիվանդ, անդամալույծ, կիսամեռ վիճակում Կեսարիա է տարվել։ 1915 թվականի սեպտեմբերի 5-ին, շաբաթ գիշերով, Կեսարիայում, առանց դատ ու դատաստանի, մեծ դժվարությամբ կախաղան է բարձրացվել՝ 33 տարեկանում։
Գրականություն խմբագրել
- Ղազարեան Վահան, Բժշկական եւ առողջապահական տարեցոյց, Կ. Պօլիս, 1914։
- Հայ բժշկութեան տուած զոհերը, ցուցակագրւած վաւերական փաստերով, Կ. Պոլիս, 1919։
- Ալպօյաճեան Արշակ, Պատմութիւն հայ Կեսարիոյ, Ա. հատոր, Գահիրէ, 1937։
- Ալպօյաճեան Արշակ, Պատմութիւն հայ Կեսարիոյ, Բ. հատոր, Գահիրէ, 1937։
- Կարոյեան Գասպար, Մեծ Եղեռնի նահատակ հայ բժիշկները (անոնց պատ գամները), Պոսթոն, 1957։
- Սահակյան Լիլիկ, Ոճրագործները չխնայեցին նույնիսկ մարդ ու կյանք ը փրկողներին, «Առողջապա հություն», Երևան, 1965, թվական 4։
- Յուշամատեան Մեծ Եղեռնի (1915-1965), պատ րաստեց Գերսամ Ահարոնե ան, Պէյրութ, 1965։
- Տէր Յովհաննէսեան Գրիգոր, Պատմագիրք Սիվրի-Հիսարի հայոց, Պէյրութ, 1965։
- Թէոդիկ, Յուշարձաննահատակ մտաւորականութեան, Բ. տպագրութիւն, Երեւան, ապրիլ 24, 1985։
- Հին եւ նոր Կեսարիա։ Յուշամատեան, Փարիզ, 1989։
- Հայրապետյան Վանիկ, Էջեր Հայաստանի դեղագործության պատմությունից, Երևան,1990, 221 էջ։
- Շահբազյան Հասմիկ և Միրզոյան Անահիտ (կազ մողներ), Ցուցակ Հայոց ցեղասպանությանզոհերի (1915-1923 թվական), հ. 3, Անկարայի նահանգ, Երևան, 2006։
Աղբյուրներ խմբագրել
Հարություն Մինասյան, Օսմանյան կայսրությունում և Թուրքիայի Հանրապետությունում բռնաճնշումների և ցեղասպանության ենթարկված հայ բժիշկներ, Երևան, «Լուսաբաց», 2014 — 520 էջ։