Սուրբ Սարգիս եկեղեցի (Նոր Ջուղա)

Սուրբ Սարգիս եկեղեցի;
Հիմնական տվյալներ
Տեսակ	եկեղեցի և մշակութային արժեք
Երկիր	Իրան
Տեղագրություն	Սպահանի նահանգ
Դավանանք	Հայ Առաքելական Եկեղեցի
Թեմ	Սպահանի թեմ (Կիլիկիո Կաթողիկոսություն)
Ներկա վիճակ	գործող
Ժառանգության կարգավիճակ	Իրանի ազգային ժառանգություն
Նվիրված	Սուրբ Սարգիս
Ճարտարապետական տիպ	բազիլիկա
Ճարտարապետական ոճ	սեֆյան ճարտարապետություն
Կառուցման ավարտ	1659
Գմբեթ	1 հատ
Շինանյութ	adobe?, աղյուս և plaster?

Սուրբ Սարգիս, հայ առաքելական եկեղեցի Իրանի Սպահանի նահանգում՝ Նոր Ջուղա քաղաքում։ Պատկանում է Մեծի Տանն Կիլիկիո կաթողիկոսության Սպահանի թեմին։ Գտնվում է Երևան թաղում։

Անվան այլ կիրառումների համար տե՛ս՝ Սուրբ Սարգիս եկեղեցի (այլ կիրառումներ)

Պատմություն

1658 թվականին, երբ հիմնադրվել էր Սպահանի թեմը, այստեղ հիմնադրվել է նոր եկեղեցի^[5]։ Սուրբ Սարգիս եկեղեցին կառուցվել է 1659 թվականին, ժողովրդի նվիրատվությամբ։ Ի սկզբանե հայտնի է եղել որպես «Ամենափրկիչ», սակայն 1850-ական թվականներին, երբ Նոր Ջուղայի սուրբ Սարգիս եկեղեցին խոնարհվել ու ամայացել է, իսկ սպասներն ու սուրբ Սարգսի աջը փոխադրել են այստեղ։ Եկեղեցին այդ ժամանակից սկսել է կոչվել «Սուրբ Սարգիս»^[6]։ Հին եկեղեցու զանգը գոյություն է ունեցել մինչև 1930-ական թվականները։

Եկեղեցու զանգակատունը գտնվում է հարավարևմտյան կողմում՝ տանիքի վրա։ Ունի հայկական ոճի սյուներ և սրանկյուն գմբեթ։ Եկեղեցու բակի արևելյան կողմում կա մի մատուռ, կամ ամռան եկեղեցի «սուրբ Ստեփանոս» անունով, որ կառուցվել է 1704 թւականին, ունի մի փոքր գմբեթ։

Ճարտարապետություն

Սուրբ Սարգիսն ունեցել է որմանկարներ, կամ նկարազարդումներ, սակայն այժմ ամբողջովին սպիտակեցված է։ Շինությունը կառուցվել է կավից և աղյուսից։ Արտաքին պատերը պատված են աղյուսով, իսկ ներքին պատերը ծածկված են սվաղով^[7]։

Խորանի վերևում Հիսուսի և առաքյալների ու հրեշտակների նկարները։ Խորանը նկարազարդ և ծաղկազարդ է։ Եկեղեցում կան հախճապակիներ, որոնք ունեն կապտագույն ու կանաչագույն զարդեր, ծառ ու ծաղիկներ, կենդանիներ, որոնք բոլորը բերվել են նախկին սուրբ Սարգիս եկեղեցուց։ Հախճապակու վրա պատկերված է սուրբ Աստվածածնի ավետումը, կողքերին խաչեր, իսկ ներքևում արձանագրություն։

Տես նաև

Ծանոթագրություններ

[_b6995bd246b56dcb-1] 1,0 ^1,1 ^1,2 https://iranarchpedia.ir/entry/22894

[_34df077979cc3437-2] 2,0 ^2,1 http://www.norjugha.ir/հայոց-եկեղեցիներ/սարգիս-եկեղեցի.html

[_b00960f1848fb4af-3] Wiki Loves Monuments monuments database — 2017.

[_3f4647f93040b8c9-4] 4,0 ^4,1 ^4,2 ^4,3 https://www.paymanonline.com/معماری-کلیساهای-اصفهان/

[5] کلیسای سرکیس، اصفهان

[6] Սուրբ Սարգիս եկեղեցի

[7] کلیسای سرکیس (اصفهان)

[2]

[3]

[1]

[4]

[5]

[6]

[7]