Սուրբ Պանտելեյմոն եկեղեցի (Պավլովկա)


Սուրբ Պանտելեյմոն եկեղեցի (ռուս.՝ Пантелеимоновская церковь), ուղղափառ եկեղեցի Ռուսաստանի Ռոստովի մարզի Կրասնի Սուլինի շրջանի Կիսելյովոյի գյուղական համայնքի Պավլովկա գյուղում։

Սուրբ Պանտելեյմոն եկեղեցի
Հիմնական տվյալներ
Տեսակտաճար
ԵրկիրՌուսաստան Ռուսաստան
ՏեղագրությունՊավլովկա (Կրասնի Սուլինի շրջան)
Դավանանքուղղափառություն
ԹեմՇախտիի թեմ
Հիմնադրված1905
Nuvola apps kview.png Արտաքին պատկերներ
Searchtool.svg Սուրբ Պանտելեյմոն եկեղեցու լուսանկարները

Տաճարի հասցեն՝ Ռուսաստան, Ռոստովի մարզ, գյուղ Պավլովկա, Կիսելյովոյի գյուղական համայնք։

ՊատմությունԽմբագրել

1890 թվականին Չերկասկի շրջանի Պավլովսկո-Կունդրյուչենսկի խուտորի վստահված բնակիչները, որոնք պատկանում էին Գուկովո-Գնիլուշանսկի խուտորի Սուրբ Նիկողայոս եկեղեցու ծխին, դիմել են Դոնի և Նովոչերկասկի արքեպիսկոպոսին՝ Սուրբ մեծ նահատակ Պանտելեյմոնի անունով եկեղեցի կառուցելու խնդրանքով։ Եկեղեցին նվիրվում էր 1888 թվականի հոկտեմբերի 17-ին գնացքի վթարի ժամանակ կայսր Ալեքսանդր III-ի և նրա ընտանիքի փրկությանը։

Թույլտվությունը տրվել է, սակայն տաճարի շինարարությունը սկսվել է միայն 15 տարի անց։ 1902 թվականից եկեղեցին կառուցել է կապալառու Վասիլևը։ Եկեղեցին կառուցվել է խուտորի համայնքի հաշվին։

1905 թվականին եկեղեցին կառուցվել է, և 1905 թվականի հոկտեմբերի 26-ին օծվել։ Նոր քարե եկեղեցին դրսից պատվել էր թրծած աղյուսով, այն կանգնած էր քարե հիմքի վրա, ծածկված էր թերթային երկաթով։ Եկեղեցուն կից կառուցվել էր զանգակատուն։ Եկեղեցին ցանկապատված էր քարե ցեմենտապատ հիմքով երկաթե պարիսպով։ Կառուցված եկեղեցում կար մի աթոռ՝ հանուն Սուրբ մեծ նահատակ Պանտելեյմոնի։

Սուրբ Սինոդը որոշել էր եկեղեցու անձնակազմը, որը ներառում էր քահանա, սաղմոսասաց, նշխարաթուխներ։ Եկեղեցու շրջակայքում ծխականները առաքյալների թվով տնկել էին 12 բարդի։

Եկեղեցին վարում էր չափաբերական մատյան, կար 50 եկեղեցական գրքով, «Կորմչի» և «Դուխովնիե բեսեդի» («Հոգևոր զրույցներ») ամսագրերով գրադարան։

Հայրենական մեծ պատերազմից առաջ ծիսակատարությունները եկեղեցում դադարեցին։ 1943 թվականին տաճարը վերաբացվեց, 1961 թվականին կրկին փակվեց, նրա վրայից պոկվեցին գմբեթները։ Հետագայում տաճարում կոլտնտեսության հացահատիկի շտեմարանն էր, տաճարն աստիճանաբար խարխլվում ու փլվում էր։

1995 թվականին եկեղեցին փորձել են վերականգնել, սակայն՝ ապարդյուն։ Եկեղեցին ընդգրկված չէ պահպանվող հուշարձանների ցանկում։

2015 թվականին Պավլովկա գյուղում տեղի բնակիչների միջոցներով բացվեց Սուրբ Պանտելեմոն եկեղեցու աղոթատունը։ Այդ մատուռը գտնվում էր քահանայի նախկին տանը։ Այստեղ էր բերվել Սուրբ Պանտելեյմոն եկեղեցու սրբապատկերների մի մասը։ Նոր մատուռում ծիսակատարություններն անցկացվում են եկեղեցական տոների ժամանակ։

ԿղերականությունԽմբագրել

  • Կոսմաչով Պյոտր Պետրովիչ (1906-1910)
  • Մորոզով Յակով Յակովլևիչ (1910-1917)

Ներկայում մատուռում ծիսակատարություններ է անցկացնում Կրասնի Սուլին քաղաքի Ալեքսանդր Նևսկու ծխի քահանա Վիկտոր Լիտվինովը։

ԳրականությունԽմբագրել

  • Кудрявцев В. История хутора Павловка / В. В. Кудрявцев // Сулинская земля: страницы истории. – Ростов н/Д., 1999. – С.20-27.
  • Мякинченко В. Павловка / В. А. Мякинченко // Сулин и сулинцы: слов. – справ. – Красный Сулин, 2002. – С.73, 110.

ՀղումներԽմբագրել