Սուրբ Նիկողայոս եկեղեցի (Բագաևսկայա)

Սուրբ Նիկողայոս եկեղեցի, ուղղափառ տաճար Ռուսաստանի Դաշնության Ռոստովի մարզի Բագաևսկայա ստանիցայում։ Ենթարկվում է Ռուս Ուղղափառ եկեղեցու Շախտիի և Միլլերովոյի թեմի Բագաևսկայայի գործակալությանը։

Սուրբ Նիկողայոս եկեղեցի
ռուս.՝ Церковь Николая Чудотворца
Багаевская церковь Николая Чудотворца.jpg
Հիմնական տվյալներ
Տեսակտաճար և ՌԴ մշակութային ժառանգության օբյեկտ
ԵրկիրՌուսաստան Ռուսաստան
ՏեղագրությունԲագաևսկայա և Բագաևսկի շրջան
Դավանանքուղղափառություն
Ժառանգության կարգավիճակՌԴ մշակութային ժառանգության օբյեկտ
Կոորդինատներ: 47°19′10.351200099994″ հս․ լ. 40°22′29.967600100005″ ավ. ե. / 47.31954200002777355° հս․. լ. 40.37499100002777652° ավ. ե. / 47.31954200002777355; 40.37499100002777652
Nuvola apps kview.png Արտաքին պատկերներ
Searchtool.svg Եկեղեցին 2009 թվականին

ՊատմությունԽմբագրել

ԱնցյալԽմբագրել

18-րդ դարի սկզբին ստանիցայի տարածքում գոյություն ուներ փայտե մատուռ, որը փոխարինվեց Սուրբ Նիկողայոս փայտե եկեղեցիով[1]։ 1740 թվականին եկեղեցին խարխլվեց և 1744 թվականին տեղափոխվեց նոր վայր՝ Դոն գետից հեռու։ Եկեղեցու տեղափոխությունը կարճացրեց նրա կյանքը, և 1747 թվականին կազակներն սկսեցին կառուցել նոր, կրկին փայտե, տաճար։ Այն գոյություն ունեցավ ավելի քան 30 տարի։ 1782 թվականին դրվեց երրորդ եկեղեցու հիմքը, որն օծվեց 1783 թվականի հոկտեմբերի 8-ին։ 1805 թվականին գյուղը տեղափոխվեց Դոն գետի մյուս կողմը, և նոր վայրում Սուրբ Նիկողայոս եկեղեցին կրկին օծվեց 1805 թվականի ապրիլի 23-ին[2]։ Այդ եկեղեցու խարխլվելուց հետո նրա տեղում կառուցվեց աղյուսե կապլիցա։ Աղյուսե եռասեղան եկեղեցին կառուցվել է Բագաևսկայայում 1896 թվականին՝ ստանիցայի հրապարակի կենտրոնում։ Տաճարն ավերվել է 1936-1939 թվականներին[2]։

ՆերկաԽմբագրել

Ժամանակակից քարե միասեղան եկեղեցին կառուցվել է 2008-2009 թվականներին և օծվել հանուն Նիկողայոս Հրաշագործի։ Գտնվում է Բագաևյան գերեզմանատան տարածքում[3]։

ՆկարագրությունԽմբագրել

Սուրբ Նիկողայոս տաճարը քարե մեկհարկանի շենք է։ Հիմնական տարածքն ունի բազմաթիվ պատուհաններով մեծ կլոր թմբուկ և ավարտվում է վրանաձև տանիքով։ Տանիքին կլոր խուլ թմբուկի վրա տեղադրված է ոսկեգույն գմբեթ։ Տաճարի երկու կողմերում կառուցված են երկհարկանի զանգակատներ։ Եկեղեցու շենքին ընդամենը կա ցանցկեն խաչերով չորս գմբեթ[4]։

Տաճարի տարածքում կա կարմիր աղյուսից կառուցված մեկհարկանի ծառայողական շինություն։ Տաճարի ցանկապատը մետաղյա է՝ քարե սյուների վրա, տարածքի ներսում ծաղկանոց է։ Եկեղեցու գլխավոր մուտքը զարդարում են խաչերով և փոքր գմբեթներով աշտարակիկները[4]։

ՀոգևորականությունԽմբագրել

Սուրբ Նիկողայոս տաճարի վանահայրն է ավագ երեց Ալեքսանդր Վալենտինովիչ Մաշտանովը[5]։

ԾանոթագրություններԽմբագրել

Արտաքին հղումներԽմբագրել