Սուրբ Աստվածածին եկեղեցի (Շիրակավան)
Սուրբ Աստվածածին եկեղեցի, հայ առաքելական եկեղեցի Շիրակի մարզի Շիրակավան գյուղում[1]։ Եկեղեցու հիմնարկեքը կատարվել է 2015 թվականի հունիսին, իսկ կառուցումն ավարտին է հասել 2016 թվականի հունիսի 4-ին[2]։
| Սուրբ Աստվածածին եկեղեցի | |
|---|---|
 | |
| Հիմնական տվյալներ | |
| Տեսակ | եկեղեցի |
| Երկիր |  Հայաստան |
| Տեղագրություն | Շիրակավան |
| Դավանանք | Հայ Առաքելական Եկեղեցի |
| Թեմ | Շիրակի թեմ |
| Հիմնական ամսաթվերը | հունիսի 4, 2016 |
| Հիմնադրված | հունիսի 4, 2016 |
Պատմություն
խմբագրել1820 թվականից գյուղը ունեցել է եկեղեցի, որը սակայն Ախուրյանի ջրամբարի կառուցման հետևանքով մնացել է ջրի տակ։ Տեղացիների պատմելով երկար տարիներ ջրի տակից վառ լույս էր արձակվում, հենց նույն տեղից, որտեղ եկեղեցու խորանն էր[3]։ Տարիների ընթացքում 17-րդ դարի եկեղեցու քարերը դուրս են բերվել ջրից՝ նոր եկեղեցի կառուցելու նպատակով, սակայն երկար տարիներ չի հաջողվել այն կառուցել։ Այդ քարերի մասն օգտագործվել է նոր եկեղեցու շինարարության ժամանակ։ Եկեղեցու շինարարությունը հովանավորել են ծնունդով շիրակավանցի մոսկվաբնակ Թավրիզյան եղբայրները[1][4]։
Կառույց
խմբագրելԵկեղեցին միանավ բազիլիկ կառույց է՝ արևմտյան մուտքի մոտ կից զանգակատնով։ Զանգակատունը կառուցված է կարմիր տուֆով, իսկ բուն եկեղեցին՝ սև և կարմիր տուֆերով, հիմքում օգտագործվել են Ախուրյանի ջրամբարի տակ մնացած 17-րդ դարի եկեղեցու քարերը։ Խորանի աբսիդը կիսաշրջանաձև է, երկու կողմերում ունի ավանդատներ։ Եկեղեցու արևմտյան մուտքի երկու կողմերին ունի մեկական լուսամուտ, հարավային և հյուսիսային պատերին՝ երեքական լուսամուտներ։
Եկեղեցին հարուստ է որմնանկարներով։ Խորանում բեմաքարի մոտ երկու հրեշտակների որմնանկարներ են, իսկ նրանցից վերև պատկերված է Հիսուս Քրիստոսը։ Արևմտյան մուտքի երկու կողմերում պատկերված են քրիստոնեությունը Հայաստան բերած երկու առաքյալները՝ Բարդուղիմեոսը ու Թադևոսը։
Սուրբ Աստվածածին եկեղեցու որմնանկարների ցանկ
խմբագրելՍտորև ներկայացվում է Շիրակավանի Սուրբ աստվածածին եկեղեցու որմնանկերի ցանկը։
| # | Պատկեր | Անուն | Լրացուցիչ տվյալներ |
|---|---|---|---|
| 1 | _01.jpg) |
Սուրբ Բարդուղիմեոս | Պատկերված է արևմտյան մուտքից հարավ։ |
| 2 | _02.jpg) |
Սուրբ Թադեոս | Պատկերված է արևմտյան մուտքից հյուսիս։ |
| 3 | _03.jpg) |
Քարոզ | Պատկերված է հյուսիսային պատին։ |
| 4 | _04.jpg) |
Մկրտություն | Պատկերված է հյուսիսային պատին։ |
| 5 | _05.jpg) |
Մարիամ Աստվածածինը մանուկ Հիսուս Քրիստոսը գրկին | Պատկերված է հարավային պատին։ |
| 6 | _06.jpg) |
Հիսուս Քրիստոս | Պատկերված է խորանի կիսաշրջանաձև աբսիդի ճակատին։ |
| 7 | _07.jpg) |
Հրեշտակներ | Պատկերված է խորանի կիսաշրջանաձև աբսիդին։ |
| 8 | _08.jpg) |
Զարդանախշ | Պատկերված է արևելյան պատին՝ խորանից հյուսիս։ |
| 9 | _09.jpg) |
Զարդանախշ | Պատկերված է արևելյան պատին՝ խորանից հարավ։ |
Պատկերասրահ
խմբագրել-
Զանգակատան գմբեթը -
Պատկեր եկեղեցու ներսից
