Սոս Մովսիսյան
- Վիքիպեդիայում կան հոդվածներ Մովսիսյան ազգանունով այլ մարդկանց մասին։
Սոս Միքայելի Մովսիսյան (նոյեմբերի 10, 1923, Վարսեր, Հայաստան - հունիսի 21, 2021), խմբագիր-հրատարակիչ, վաստակավոր ժուռնալիստ, հրապարակախոս, թարգմանիչ, Հայրենական մեծ պատերազմի վետերան։ ԽՄԿԿ անդամ (1943):
| Սոս Մովսիսյան | |
|---|---|
 | |
| Ծնվել է | նոյեմբերի 10, 1923 (100 տարեկան) |
| Ծննդավայր | ՀՀ Գեղարքունիքի մարզ, գ. Վարսեր |
| Մահացել է | հունիսի 21, 2021 (97 տարեկան) |
| Քաղաքացիություն |  ԽՍՀՄ →  Հայաստան |
| Կրթություն | Հայաստանի կոմկուսի Կենտկոմին կից երկամյա կուսակցական դպրոց, Երևանի Խ.Աբովյանի անվան մանկավարժական ինստիտուտ |
| Մասնագիտություն | Խմբագիր-հրատարակիչ, ժուռնալիստ, հրապարակախոս, թարգմանիչ |
| Պարգևներ և մրցանակներ |
|
Կենսագրություն խմբագրել
Ծնվել է 1923 թվականին, Սևանի շրջանի Վարսեր գյուղում։ 1941 թվականին ավարտել է Սևանի միջնակարգ դպրոցը գերազանց գնահատականներով։ Աշխատանքի է նշանակվել Վարսերի դպրոցում որպես մաթեմատիկայի ուսուցիչ, ապա նաև ուսմասվար։ 1942 թվականին զորակոչվել է խորհրդային բանակ, ծառայել Սևծովյան նավատորմի դեսանտային զորամասերում։ 1943 թ. սկզբին տեղափոխվել է ցամաքային զորամասեր և մասնակցել Հայրենական մեծ պատերազմին մինչև նրա հաղթական ավարտը։ Եղել է դասակի, վաշտի հրամանատար, առանձին գումարտակի շտաբի պետ, մասնակցել է Բելառուսիայի, Լատվիայի, Լիտվայի, Լեհաստանի ազատագրմանը, Կուռլանդիայի կատաղի մարտերին, Բեռլինի և Արևելյան Պրուսիայի գրավմանը, հասել մինչև Հյուսիսային Գերմանիա՝ Մեկլենբուրգ։ Պատերազմի թեժ օրերին՝ 1943 թ. ընդունվել է կոմկուսի շարքերը։ Պատերազմի հաղթական ավարտից հետո երկու տարի ծառայել է Գերմանիայի Ֆյուրստենբերգ քաղաքում որպես խորհրդային զինվորական պարետի տեղակալ։ 1947 թ. Ս. Մովսիսյանը կապիտանի կոչումով զորացրվել է բանակից։ 1947-1949 թվականներին սովորել է Հայաստանի կոմկուսի Կենտկոմին կից երկամյա կուսակցական դպրոցում և միաժամանակ էքստեռն կարգով ավարտել է նաև Երևանի Խ. Աբովյանի անվան մանկավարժական ինստիտուտի պատմության ֆակուլտետը, գերազանց գնահատականներով։
1962-1966 թթ. ՀԿԿ Կենտկոմի մամուլի, ռադիոյի և հեռուստատեսության սեկտորի վարիչ։ 1966-1967 թթ. ՀԿԿ Կենտկոմի հրատարակչության տնօրեն։ 1967-1981 թթ. ՀՀ ՄԽ կից հրատպետկոմի նախագահի տեղակալ։ 1981-1991 թթ. «Լույս» հրատարակչության տնօրեն։ 1999 թ. մինչև հիմա Հայաստանի գրահրատարակիչների ազգային միության նախագահ։ ՀՀ մշակույթի բնագավառում ունեցած իր զգալի ծառայությունների համար պարգևատրվել է ՀՀ Մշակույթի նախարարության ՈՍԿԵ մեդալով։
Աղբյուր խմբագրել
- Հայ գրատպություն և գրքարվեստ. հանրագիտարան, Երևան, Հայկական հանրագիտարան, 2015, ISBN 978-5-89700-042-5, էջ 768։