Սիրելին (ֆիլմ, 1965)
«Սիրելին» (ռուս.՝ «Любимая»), խորհրդային գեղարվեստական ֆիլմ[1], որը նկարահանել է ռեժիսոր Ռիչարդ Վիկտորովը[2][3][4] Նիկոլայ Պոգոդինի «Սաթե մանյակ» (ռուս.՝ «Янтарное ожерелье») վեպի հիման վրա։
Երկիր | ԽՍՀՄ |
---|---|
Ժանր | ռոմանտիկ ֆիլմ |
Թվական | 1965 |
Լեզու | ռուսերեն |
Ռեժիսոր | Ռիչարդ Վիկտորով |
Դերակատարներ | Ալեքսանդրա Նազարովա |
Օպերատոր | Յուրի Մարուխին |
Երաժշտություն | Եվգենի Գլեբով |
Կինոընկերություն | Բելառուսֆիլմ |
Սյուժե
խմբագրելՀեռուստաստուդիայում դպրոցների շրջանավարտների մասին հաղորդման ժամանակ ուսուցչուհին ծանոթացնում է հեռուստաթղթակից Ռոստիկին և Իրոչկա Եգորովին։ Վերջինս որբ է, ապրում է հորեղբայր Իվան Եգորովիչի և նրա կնոջ՝ Նինա Պետրովնայի հետ։ Շուտով Իրան պատահաբար ծանոթանում է երիտասարդ շինարար Վոլոդյա Լեբեդևի հետ։
Վոլոդյան ապրում է իր բրիգադիր Բլյախինի տանը, որի զարմուհու՝ Սոֆյայի հետ մտերիմ հարաբերություններ ունի։ Իրան հանդիպում է Ռոստիկի հետ, խոսում է նրա հետ կոչման, մասնագիտության ընտրության մասին։ Եգորովները տեղափոխվում են նոր բնակարան։ Վոլոդյան փնտրում է Իրային նոր թաղամասում և պատահաբար տեսնում է նրան ու Ռոստիկին։ Իր համար էլ անսպասելիորեն Իրան գնում է զբոսնելու Վոլոդյայի հետ։
Նրանք հայտնվում են շինհրապարակում, և Իրան Վոլոդյային խնդրում է իրեն աշխատանքի տեղավորել։ Նա դառնում է ներկարար Բլյախինի բրիգադում։ Իրան ու Վոլոդյան հանդիպում են։ Աղջկան դուր չի գալիս, որ նա խմում է և փոքր-ինչ թեթևամիտ է։ Վոլոդյան գալիս է Եգորովի հետ ծանոթանալու ու հարաբերություններ է պարզում Ռոստիկի հետ։ Իրան ուրախանում է առաջին աշխատավարձն ստանալու համար, բայց պարզվում է, որ դրա մի մասը նա պետք է տա Բլյախինին։
Իրան Բլյախինին մեղադրում է կաշառակերության մեջ, ինչին ի պատասխան նա ասում է. «Դու տվել ես, իսկ ես չեմ խնդրել։ Ո՞վ է մեղավոր»։ Հորեղբոր ամառանոցում, ուր Իրան գալիս է Վոլոդյայի հետ, աղջիկը պատմում է տեղի ունեցածի մասին։ Հորեղբայրը զայրանում է և վռնդում նրանց։ Իրան ու Վոլոդյան զբոսնում են անտառում, դիմավորում են դիլիժանսով ճանապարհորդող ամերիկացիներին, ապա հանդիպում են տղաների ու մնում են գիշերելու նրան խարույկի մոտ ։ Հաջորդ օրը Վոլոդյան պարզում է հարաբերությունները Սոֆյայի ու Բլյախինի հետ։ Մեղադրելով նրանց շահերի սահմանափակության քաղքենիության մեջ՝ նա հեռանում է նրանցից։
Կլավան ու Քսյուշան՝ բրիգադի աղջիկները, չիմանալով Վոլոդայի հետ Իրայի հարաբերությունների մասին, վերջինիս պատմում են Վոլոդյայի ու Սոֆիայի մասին։ Իրան Վոլոդյային մեղադրում է իրեն խաբելու մեջ։ Իվան Եգորովիչը նրան վտարում է տնից։ Վոլոդյային մխիթարում է բրիգադի աշխատակից Ռիմման, որը վաղուց դժգոհ է Բլյախինից և երբեք գումար չի տվել նրան։ Ռիման ու Վոլոդյան Բլյախինին զգուշացնում են, որ հետագայում «տուրք» ստանալու հույս չունենա։
Հիասթափված Իրան ընդունում է Ռոստիկի հրավերը՝ գնալ նրա ամառանոց։ Վոլոդյան է փնտրում նրան, փորձում է հասնել նրան իրենց Բրիգադի անդամ Պետյայի մեքենայով։ Բայց նրա «Մոսկվիչը» փչանում է՝ չհասնելով Ռոստիկի «Վոլգային»։ Ամառանոցում Ռոստիկը փորձում է հրապուրել Իրային։ Նա փախչում է, համընթաց մեքենայով գնում քաղաք, նկատում է ճամփեզրին նստած Վոլոդյային և կանգնեցնելով մեքենան՝ գնում է նրա մոտ։
Դերերում
խմբագրել- Ալեքսանդրա Նազարովա – Իրա Եգորովա
- Բորիս Պլատոնով – Իվան Եգորովիչ, Իրա Եգորովի հորեղբայրը (հնչյունավորող՝ Գեորգի Ժժենով)
- Վիտալի Սոլոմին – Վոլոդյա Լևադով
- Սվետլանա Դրուժինինա – Սոֆյա
- Վյաչեսլավ Բրովկին – Դեմենտի Պավլովիչ Բլյախին, Սոֆյայի հորեղբայրը
- Ելենա Մաքսիմովա – Նինա Պետրովնա, Իրինա Եգորովայի մորաքույրը
- Իգոր Դոբրոլյուբով – Ռոստիկ, լրագրող
- Նադեժդա Սեմենցովա – Ռիմա
- Զառա Դոլուխանովա – երգչուհի
- Լեոնիդ Սատանովսկի – Պետյա
- Անատոլի Գրաչով – ավտովարորդ
- Ռոման Ֆիլիպով – կահույքի բեռնակիր
Նկարահանող խումբ
խմբագրել- Սցենարի հեղինակ՝ Օլեգ Ստուկալով
- Ռեժիսոր՝ Ռիչարդ Վիկտորով
- Օպերատոր՝ Յուրի Մարուխին
- Նկարիչ՝ Վլադիմիր Դեմենտև
- Երաժշտության հեղինակ՝ Եվգենի Գլեբով
Թողարկում
խմբագրելՖիլմն էկրան է բարձրացել 1965 թվականի հոկտեմբերի 4-ին։
Հետաքրքիր փաստեր
խմբագրել- Ֆիլմի նկարահանումներն անցկացվել են Մինսկում։
- Ֆիլմը նաև կոչվել է «Սաթե մանյակ» (ռուս.՝ «Янтарное ожерелье»), «Արև՝ ամեն օր» (ռուս.՝ «Солнце — каждый день»)։
- Ֆիլմում հնչում է մի հատված Ռոբերտ Ռոժդեստվենսկու «Будь пожалуйста послабее…» բանաստեղծությունից։
- Ֆիլմում հնչում է «Мечта» երգը (երաժշտ. հեղինակ՝ Ե. Գլեբով, տեքստի հեղինակ՝ Վ. Օռլով) Վալենտինա Դվորյանինովայի կատարմամբ։
- Ֆիլմում կա տեսարան, որտեղ գլխավոր հերոսներին տանում է մի զույգ ձիերով լծված հին դիլիժանս։ Ֆիլմի մասնակիցները դարձել են էքստրավագանտ ճանապարհորդներ Ամերիկայից՝ Գիլիս ընտանիքը, որոնց ժամանումը տեղի է ունեցել հենց նկարահանումների պահին[5][6]։
- Ֆիլմի բացասական կերպարի՝ բրիգադիր Դեմենտի Բլյախինի դերում նկարահանվել է հայտնի կինոռեժիսոր Վյաչեսլավ Բրովկինը, որը հետագայում նկարահանել է «Следствие ведут ЗнаТоКи» (ռուս․՝ «Հետաքննությունը վարում են գիտակները») լեգենդար հեռուստասերիալի տասներեք սերիաները։ Երկու տարի անց նա կատարել է կարդինալի դերը Վլադիմիր Կորոտկևիչի «Քրիստոսը վայրէջք կատարեց Գրոդնոյում» (ռուս․՝ «Христос приземлился в Гродно»)։
Ծանոթագրություններ
խմբագրել- ↑ Любимая (1965) Full Cast & Crew
- ↑ «"От нее шел свет". Какой запомнят народную артистку Александру Назарову». Արխիվացված է օրիգինալից 2019 թ․ սեպտեմբերի 14-ին. Վերցված է 2022 թ․ հունիսի 2-ին.
- ↑ «Голос голливудских персонажей и звезда «Ералаша». Какой запомнят Александру Назарову». Արխիվացված է օրիգինալից 2020 թ․ նոյեմբերի 26-ին. Վերցված է 2022 թ․ հունիսի 2-ին.
- ↑ В Москве умерла актриса Александра Назарова
- ↑ американский дилижанс в Минске 2 - YouTube
- ↑ http://pics.livejournal.com/vadim_i_z/pic/000ke4ye